تحریک منہاج القرآن چکوال کے زیرِاہتمام 5 روزہ دروسِ عرفان القرآن کی پہلی نشست کا انعقاد

چکوال: علامہ فیاض بشیر قادری نے پانچ روزہ دروسِ عرفان القرآن کی پہلی نشست سے مکہ ہال، چکوال میں ’’خاندانی استحکام میں زوجین کا کردار‘‘ کے موضوع پر قرآن و حدیث کی روشنی میں ایمان افروز اور اصلاحی خطاب کیا۔

انہوں نے میاں بیوی کے باہمی حقوق و فرائض، صبر و برداشت، حسنِ سلوک اور باہمی احترام کی اہمیت کو اجاگر کرتے ہوئے کہا کہ مضبوط خاندان ہی مضبوط معاشرے کی بنیاد ہے۔ اگر زوجین سیرتِ نبوی ﷺ کی تعلیمات کو اپنی زندگیوں میں نافذ کریں تو گھریلو ناچاقیاں اور معاشرتی مسائل کم ہو سکتے ہیں۔

تقریب میں ضلعی و تحصیلی قائدین و کارکنانِ تحریک منہاج القرآن چکوال سمیت مرد و خواتین کی کثیر تعداد نے شرکت کی، کل ان شاءاللہ دوسری نشست منعقد ہوگی جس میں علامہ عدنان وحید قاسمی ’’فلاحِ دارین کا راز‘‘ کے موضوع پر درسِ عرفان القرآن دیں گے۔