صاحبزادہ حسن محی الدین قادری 11 جون کو بارسلونا میں پاکستانی میڈیا سے خطاب کریں گے۔
شیخ الاسلام ڈاکٹر محمد طاہر القادری کے لخت جگر اور منہاج القرآن انٹرنیشنل کی سپریم کونسل کے صدر صاحبزادہ حسن محی القادری اپنے دورۂ سپین کے دوران 11 جون بروز جمعۃ المبارک بارسلونا کی پاکستانی صحافی برادری سے ملاقات اور خطاب کریں گے۔ اس تقریب میں منہاج القرآن انٹرنیشنل کے مرکزی سینئر نائب ناظم اعلیٰ شیخ زاہد فیاض، منہاج ویلفیئر فاؤنڈیشن یورپ کے ڈائریکٹر علامہ اقبال اعظم، منہاج القرآن بارسلونا اور منہاج یوتھ لیگ سپین کے عہدیداران بھی شرکت کریں گے۔
ملاقات کا اہتمام بارسلونا کے معروف پاکستانی ریسٹورنٹ عادل تندوری پر کیا گیا ہے، منہاج القرآن انٹرنیشنل سپین بارسلونا کی طرف سے صحافی برادری کو دعوت نامے جاری کر دیے گئے ہیں۔
تبصرہ