کوئٹہ دھماکے کی پُرزور مذمت کرتے ہیں۔ ڈاکٹر محمد طاہرالقادری

دہشت گرد انسانیت کے بدترین دشمن ہیں

شیخ الاسلام ڈاکٹر محمد طاہرالقادری نے سریاب روڈ کوئٹہ پر مدرسہ کے باہر ہونے والے بم دھماکے کی شدیدترین مذمت کرتے ہوئے کہا ہے کہ بدقسمتی سے ہمارا معاشرہ انتہا پسندی کی آگ میں جل رہا ہے اور اسکے خاتمے کیلئے کوئی منصوبہ بندی نہیں ہے۔ ایسے واقعات کا تسلسل صوبائی حکومت اور قانون نافذ کرنے والے اداروں کی ناکامی ہے۔ بلوچستان میں امن و امان کی بگڑتی صورتحال قومی یکجہتی کیلئے انتہائی نقصان دہ ہے۔ بلوچستان کے حالات کے تناظر میں حکومت سنجیدہ اور ٹھوس اقدامات کرے اور ایسے واقعات کو فوری روکا جائے۔ انہوں نے شہید ہونے والوں افرادکے لیے دعائے مغفرت کی اور لواحقین کے ساتھ اظہار ہمدردی کیا ہے اور زخمیوں کی جلد صحتیابی کی دعا کی ہے۔