بین المذاہب مکالمہ کے فروغ کیلئے دوسرے مذاہب کے وجود کو تسلیم اور احترام کرنا ناگزیر ہے، سہیل احمد رضا

ویٹی کن منہاج القرآن انٹرفیتھ کی عالمی سطح پر ڈائیلاگ کیلئے کاوشوں کو قدر کی نگاہ سے دیکھتا ہے

منہاج القرآن انٹر فیتھ ریلیشنز کے ڈائریکٹر سہیل احمد رضا نے کہا ہے کہ بین ا لمذاہب مکالمہ کے فروغ کیلئے معاشرہ میں برداشت، صبر و تحمل اور دوسرے مذاہب کے وجود کو تسلیم کرتے ہوئے احترام کرنا ناگزیر ہے۔ ان خیا لات کا اظہار انہوں نے مرکزی سیکرٹریٹ ماڈل ٹاؤن میں اسلام آباد سے آئے ہوئے انٹر فیتھ ڈائیلاگ کے وفد سے گفتگو کے دوران کیا۔ وفد کی قیادت ویٹی کن سٹی پاپائے روم کی بشپ برائے پاکستان مس رومانیہ بشیر کر رہی تھیں۔ وفد نے منہاج القرآن انٹرنیشنل کے مختلف شعبہ جات کا وزٹ کیا اور انٹر فیتھ بالخصوص مسلم مسیحی ڈائیلاگ کے فروغ کیلئے ڈاکٹر طاہر القادری اور منہاج القرآن انٹرنیشنل کی کاوشوں کو سراہا۔ انہوں نے کہا کہ ویٹی کن سٹی بھی منہاج القرآن انٹر فیتھ کی عالمی سطح پر ڈائیلاگ کے فروغ کیلئے کی جانے والی کاوشوں کو قدر کی نگاہ سے دیکھتا ہے۔