میڈیا کوآرڈینیٹر غلام علی خان کی ڈاکٹر حسین محی الدین قادری سے ملاقات

پاکستان عوامی تحریک کی فیڈرل کونسل کے صدر صاحبزادہ ڈاکٹر حسین محی الدین قادری نے کہا ہے کہ پاکستان عوامی تحریک اور تحریک منہاج القرآن کے میڈیا سیل کے لئے غلام علی خان کی بے پایاں خدمات ہیں۔ انہوں نے ’’امن کانفرنس‘‘  کی شاندار کوریج پر غلام علی خان اور ان کی ٹیم کے کام کو سراہتے ہوئے ان کو اور ان کی ٹیم کو مبارکباد دی اور ان کی صحت یابی کے لئے دعا بھی کی۔ انہوں نے پرنٹ اور الیکٹرانک میڈیا سے تعلق رکھنے والے احباب کا بھی شکریہ ادا کیا اور کہا کہ 23 دسمبر سے 17 جنوری اور اس کے بعد اب تک میڈیا کے تعاون کے شکرگزار ہیں۔ انہوں نے کہا کہ کسی بھی پروگرام کی کامیابی میں میڈیا کا کردار ریڑھ کی ہڈی کی مانند ہوتا ہے۔ انہوں نے اس بات پر زوردیا کہ پاکستان عوامی تحریک اور تحریک منہاج القرآن کے شعبہ نشر و اشاعت سے تعلق رکھنے والے ذمہ داران اپنے کام کو مزید فعال بنائیں تاکہ ڈاکٹر طاہرالقادری کا انقلابی پیغام جلد سے جلد عوام الناس تک پہنچایا جا سکے۔