آرمی چیف سے وزیراعظم نے ثالثی کا کردار ادا کرنے کیلئے کہا تھا، ترجمان پاک فوج
راولپنڈی: ترجمان پاک فوج نے موجودہ سیاسی بحران میں آرمی چیف کو کردار ادا کرنے کے لئے حکومت کی جانب سے کی گئی درخواست کی تصدیق کردی ہے۔
ڈی جی آئی ایس پی آر میجر جنرل عاصم باجوہ نے موجودہ سیاسی بحران پر آرمی چیف کے ثالثی سے متعلق کردار پر وضاحت دیتے ہوئے کہا کہ گزشتہ روز وزیراعظم ہاؤس میں وزیراعظم نوازشریف اور آرمی چیف جنرل راحیل شریف کے درمیان ملاقات میں حکومت کی جانب سے موجودہ سیاسی بحران کے حل میں پاک فوج کے سربراہ سے کردار ادا کرنے کی درخواست کی گئی تھی جس کےبعد آرمی چیف نے فریقین کےدرمیان ثالثی کا کردار ادا کیا۔
ISPR Release:#COAS was asked by the Govt to play facilitative role for resolution of current impasse, in yesterday's meeting, at #PM House
— AsimBajwaISPR (@AsimBajwaISPR) August 29, 2014واضح رہے کہ آج قومی اسمبلی میں وزیراعظم نوازشریف نے آرمی چیف سے ثالثی کی درخواست سے متعلق خبروں کو مسترد کرتے ہوئے کہا تھا کہ آرمی چیف جنرل راحیل شریف کی ثالثی عمران خان اور طاہرالقادری کی خواہش پر حاصل کی گئی تھی جبکہ طاہرالقادری اور عمران خان بھی اپنی جانب سے آرمی چیف کو ثالث بنانے سے متعلق بیان کی تردید کرچکے ہیں۔
ذرائع: ایکسپریس نیوز
تبصرہ