خدمت دین کے تسلسل میں دس سال مکمل ہونے پر گلوبل ڈیسک کا قیام اہم سنگِ میل ہے: پروفیسر ڈاکٹر حسین محی الدین قادری
پروفیسر ڈاکٹر حسین محی الدین قادری کی گرین پروفیشنلز فورم کے گلوبل ڈیسک کی افتتاحی تقریب سے گفتگو
لاہور: صدر منہاج القرآن انٹرنیشنل پروفیسر ڈاکٹر حسین محی الدین قادری نے گرین پروفیشنلز فورم کے گلوبل ڈیسک کی افتتاحی تقریب سے گفتگو کرتے ہوئے کہا کہ منہاج القرآن انٹرنیشنل وقت کے جدید تقاضوں سے ہم آہنگ رہتے ہوئے ٹیکنالوجی کو بھرپور انداز میں اپنائے ہوئے ہے۔ انہوں نے کہا کہ آج خوشی کا دن ہے کہ گرین پروفیشنلز فورم نے خدمت کے تسلسل میں دس سال مکمل کرنے کے بعد اپنے گلوبل ڈیسک کی بنیاد رکھ دی ہے جو ایک اہم سنگِ میل ہے۔
انہوں نے کہا کہ اگرچہ فورم کی کئی نمایاں کامیابیاں ہیں، تاہم منہاج اسلامک انسائیکلوپیڈیا اپنی نوعیت کا ایک منفرد اور عظیم منصوبہ ہے۔ جدید مصنوعی ذہانت کے دور میں منہاج اے آئی کا قیام نہایت اہمیت کا حامل ہے جو مستند اسلامی معلومات کو صارفین تک پہنچانے میں کلیدی کردار ادا کرے گا۔ اے آئی ماڈلز کو اسلامی تعلیمات کے مطابق ہم آہنگ کرنا وقت کی اہم ضرورت ہے۔
اس موقع پر انہوں نے فرید ملت ریسرچ انسٹیٹیوٹ، ایم آئی بی اور پی ایف ٹیک کی ٹیم ممبرز کو مبارکباد پیش کی جو گرین پروفیشنلز فورم کے معاون کے طور پر خدمات انجام دے رہی ہیں۔ مزید برآں، انہوں نے گرین پروفیشنلز فورم کے تمام اراکین اور ڈونرز کو بھی اس کامیابی پر مبارکباد دی۔
تقریب میں غلام مرتضیٰ مرتضائی، آصف منہاس، ڈاکٹر محمد فاروق رانا، نوراللہ صدیقی، فیصل حسین، علامہ رانا محمد ادریس قادری، راجہ زاہد محمود قادری، ڈائریکٹر ڈی ایف اے شکیل احمد طاہر، عین الحق بغدادی، عبدالستار منہاجین، شیخ فرحان عزیز، صابر حسین، آئی ٹی مینجر ثناء اللہ سمیت جی پی ایف اور تحریک منہاج القرآن کے دیگر ذمہ داران نے شرکت کی۔
تبصرہ