منہاج القرآن سوشل ویلفیئر سوسائٹی کویت کی صاحبزادہ حامد رضا کے خلاف ایف آئی آر کاٹنے کی مذمت

منہاج القرآن سوشل ویلفیئر سوسائٹی کویت کے سابق صدر چوہدری منیر احمد گجر اور منہاج القرآن سوشل ویلفیئر سوسائٹی کویت کے سیکرٹری انفارمیشن چوہدری محمد ارشد گجر نے چیئرمین سنی اتحاد کونسل صاحبزادہ حامد رضا کے خلاف جھوٹی ایف آئی آر کی سخت الفاظ میں مذمت کی اور کہا یہ حکومت پنجاب کی انتقامی کاروائی کا منہ بولتا ثبوت ہے۔ حکومت پنجاب اس قسم کے اوچھے ہتھکنڈوں سے باز رہے اور فِل فور ایف آئی آر واپس لے۔ ان کا کہنا تھا کہ وطن عزیز کا بچہ بچہ جانتا ہے کہ صاحبزادہ حامد رضا نے ہمیشہ دہشتگردی اور فرقہ واریت کے خاتمہ اور امن کیلئے بھرپور کردار ادا کیا ہے۔