سپیکر قومی اسمبلی کا بیان غیر ذمہ دارانہ اور افسوسناک ہے: ترجمان عوامی تحریک

ڈاکٹر طاہرالقادری انٹرنیشنل صوفی کانفرنس میں شرکت کیلئے بھارت میں ہیں
بم کو لات مارنے کے عادی حکمرانوں کے خلاف کسی پلاننگ کی ضرورت نہیں

لاہور (19 مارچ 2016) پاکستان عوامی تحریک کے ترجمان نے سپیکر قومی اسمبلی ایاز صادق کے بیان کو غیر ذمہ دارانہ اور افسوسناک قرار دیتے ہوئے کہا ہے کہ ’’بم‘‘ کو لات مارنے کے عادی حکمرانوں کے خلاف کسی پلاننگ کی ضرورت نہیں۔ سربراہ عوامی تحریک ڈاکٹر محمد طاہرالقادری انٹرنیشنل صوفی کانفرنس میں شرکت کیلئے بھارت میں ہیں اور وہ بھارتی میڈیا کے سامنے پاکستان پر عائد کیے جانے والے دہشتگردی کے الزامات کا خوبصورتی کے ساتھ مقدمہ لڑرہے ہیں، وہ بھارت میں اسلام اور پاکستان کے پرامن پیغام کو اجاگرکررہے ہیں، وہ مسلم انتہا پسندی کے سوالات پر ہندو انتہا پسندی کو کنٹرول کرنے کی بات کررہے ہیں۔ ترجمان نوراللہ صدیقی نے کہا کہ ڈاکٹر طاہرالقادری نے اپنے مختصر دورہ انڈیا کے دوران انڈین الیکٹرانک و پرنٹ میڈیا کے نمائندوں کو درجنوں انٹرویو دیے اور انہوں نے اپنے ہر انٹرویو میں پاکستان کا ڈٹ کر دفاع کیا۔