ماہ ربیع الاول کی آمد پر منہاج القرآن کے مرکزی سیکرٹریٹ پر چراغاں، شیخ الاسلام کی مبارکباد

ماہ ربیع الاول کی آمد اور میلاد النبی صلی اللہ علیہ وآلہ وسلم کی خوشی میں تحریک منہاج القرآن کے مرکزی سیکرٹریٹ پر خوبصورت چراغاں کا اہتمام کیا گیا ہے۔ مرکزی سیکرٹریٹ کی بلڈنگ، چار دیواری، گوشہ درود کی بلڈنگ مینارۃ السلام اور جامع مسجد منہاج القرآن کو خوبصورت برقی قمقموں سے سجا دیا گیا ہے۔ تحریک منہاج القرآن کے مرکزی سیکرٹریٹ پر یکم ربیع الاول سے 12 ربیع الاول تک روزانہ نماز عشاء کے بعد میلاد کی خصوصی محافل کا بھی انعقاد کیا جائے گا۔

ماہ ربیع الاول کی آمد پر شیخ الاسلام ڈاکٹر محمد طاہرالقادری نے اہل پاکستان اور عالم اسلام کو خصوصی مبارکباد دی ہے۔ شیخ الاسلام نے اپنے پیغام میں کہا کہ حضور صلی اللہ علیہ وآلہ وسلم کی ولادت باسعادت کائنات کی سب سے بڑی خوشی ہے، اس خوشی کو سب سے زیادہ منایا جائے۔