دی ہیگ میں ڈاکٹر فریدالدین قادری رحمۃ اللہ علیہ کی عرس تقریب کا انعقاد

شیخ الاسلام ڈاکٹر محمد طاہرالقادری کے والد گرامی فرید ملت ڈاکٹر فریدالدین قادری رحمۃ اللہ علیہ کے یوم وصال کے موقع پر منہاج القرآن انٹرنیشنل دی ہیگ ہالینڈ کے زیراہتمام عرس مبارک کی تقریب کا انعقاد کیا گیا، جس میں شرکاء نے قرآن خوانی کی اور درود و سلام بھی پڑھا۔

اس سے پہلے محفل کا آغاز تلاوت قرآن پاک سے محمد علی ارشد اور فیضان ارشد نے کیا۔ منقبت بحضور فرید ملت فیض وڑائچ نے پیش کی جبکہ را شد حسین اور صادق بٹ نے ثناء خوانی کی۔

عرس تقریب میں علامہ یاسر نسیم نے ڈاکٹر فرید الدین قادری رحمۃ اللہ علیہ کی سیرت پر گفتگو کرتے ہوئے ان کی شخصیت کے بہت سارے گوشوں پر روشنی ڈالی اور کہا کہ وہ محسن تحریک ہیں۔ آخر پر درود و سلام پڑھا گیا اور دعا کے بعد ضیافت کا بھی اہتمام کیا گیا تھا۔