شیخ الاسلام ڈاکٹر محمد طاہرالقادری کی سیالکوٹ واقعہ کی مذمت
حالیہ سیالکوٹ واقعہ دلخراش اورانتہائی افسوسناک ہے اس واقعہ سے اسلام کی پرامن تعلیمات اورپاکستان کے تشخص کونقصان پہنچا، اسلام میں قانون ہاتھ میں لینے اوراس نوع کی حیوانیت کی کوئی گنجائش نہیں ہے، یہی وقت ہے کہ ریاست پاکستان جنونیت کے انسدادکے لیے اپنافیصلہ کن کردارادا کرے۔#Sialkot
— ڈاکٹر طاہرالقادری (@TahirulQadriUR) December 4, 2021
واقعہ سے اسلام اور پاکستان کے تشخص کو نقصان پہنچا۔ قائد منہاج القرآن
لاہور (4 دسمبر 2021) تحریک منہاج القرآن کے بانی و سرپرست شیخ الاسلام ڈاکٹر محمد طاہرالقادری نے سیالکوٹ واقعہ کی شدید الفاظ میں مذمت کرتے ہوئے کہا ہے کہ ایسے واقعات کی روک تھام کیلئے ریاست اور تمام طبقات اپنا سنجیدہ کردار ادا کریں۔ سیالکوٹ واقعہ سے اسلام اور پاکستان کے پُرامن تشخص کو بہت نقصان پہنچا۔ متشدد رویوں کے خاتمے کیلئے اگر اب بھی بنیادی نوعیت کے اقدامات نہ اٹھائے گئے تو ایسے واقعات کبھی نہیں رک سکیں گے۔ انہوں نے کہا کہ اس نوع کے بھیانک واقعات کی ایک وجہ سزاؤں کا نہ ملنا ہے۔ اسلامی تعلیمات اور آئین پاکستان میں قانون ہاتھ میں لینے کی کوئی گنجائش نہیں ہے۔ انہوں نے مزید کہا کہ تحریک منہاج القرآن سوسائٹی میں سرایت کر جانے والی انتہا پسندی، جاہلانہ رویوں اور تنگ نظری کے خاتمے کیلئے علمی و فکری سطح پر برسرپیکار ہے۔
تبصرہ