اٹلی: ڈاکٹر حسن محی الدین قادری کا نووارا میں جمعہ کے اجتماع سے خطاب

منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے منہاج القرآن اسلامک سنٹر نووارا میں جمعہ کے اجتماع سے خطاب کرتے ہوئے کہا کہ اللہ رب العزت کو توبہ کے الفاظ بہت پسند ہیں۔ توبہ کی قبولیت کا پیمانہ دوبارہ گناہوں کا مرتکب نہ ہونا ہے۔ زندگی کے میدان میں حقیقی کامیابی صالح اعمال کے بغیر ناممکن ہے۔ انہوں نے کہا کہ زندگی کا کوئی بھروسہ نہیں ہے اس لئے توبہ و استغفار میں سستی نہ کریں۔

اس موقع پر نماز جمعہ کے اجتماع میں پاکستانی کمیونٹی اور منہاج القرآن کے قائدین رفقاء و وابستگان نے شرکت کی۔ اس موقع پر پاکستانی کمیونٹی اور منہاج القرآن کے قائدین رفقاء و وابستگان نے ڈاکٹر حسن محی الدین قادری سے ملاقات بھی کی۔

پاکستانی کمیونٹی سے ملاقات

ڈاکٹر حسن محی الدین قادری نے منہاج القرآن انٹرنیشنل اٹلی کے سینڑ نوارا میں نماز جمعہ ادا کرنے کے بعد پاکستانی کمیونٹی اور منہاج القرآن کے قائدین رفقاء و وابستگان سے ملاقات بھی کی۔