منہاج القرآن سیالکوٹ کے زیر اہتمام ورکرز کنونشن

تحریک منہاج القرآن سیالکوٹ کے زیراہتمام ورکرز کنونشن میں نائب ناظم اعلیٰ علامہ رانا محمد ادریس نے خطاب کرتے ہوئے فہم دین کے حوالے سے گفتگو کی، انہوں نے کہا کہ دور جدید میں جدید ذرائع میڈیا اور ٹیکنالوجی کو اختیار کر کے ہم اسلام کا پیغام باسانی معاشرے میں عام کر سکتے ہیں۔ انہوں نے کہا کہ منہاج القرآن نے ہمیشہ جدید ذرائع ٹیکنالوجی سے استفادہ کیا ہے۔ آج شیخ الاسلام ڈاکٹر محمد طاہرالقادری کے خطابات پر مشتمل پیغام علم و امن فہم دین کے ذریعے معاشرے میں عام آدمی تک پہنچانے کی اشد ضرورت ہے۔

اس موقع پر مرکزی سوشل میڈیا ورکنگ کونسل کے ہیڈ شہزاد اکبر، ضلعی صدر منہاج القرآن سیالکوٹ صدر علامہ ثناء اللہ ربانی اور حافظ احتشام محمود نے بھی شرکاء کو بریفنگ دی۔ انہوں نے کنونشن میں عہدیداران اور کارکنان کو فہم دین پروگرام میں رجسٹریشن پر بھی خصوصی بریفنگ دی۔

ورکرز کنونشن میں منہاج القرآن کے ذمہ داران و کارکنان اور تحریک منہاج القرآن و جملہ فورمز کے عہدیداران و کارکنان نے بھرپور شرکت کی۔