انڈیا: منہاج ایجوکیشن اینڈ ویلفیئر ٹرسٹ کچھ کے رہنماؤں کی مفتی اعظم انڈیا شیخ ابوبکر احمد مسلیار الشافی سے ملاقات

منہاج ایجوکیشن اینڈ ویلفیئر ٹرسٹ کچھ انڈیا کے رہنما سید خورشید علی شاہ اور سپریم کورٹ آف انڈیا کے ایڈووکیٹ محمد اشرف عاجی نے مفتی اعظم انڈیا شیخ ابوبکر احمد مسلیار الشافی سے کیرالا میں ملاقات کی۔ منہاج القرآن انڈیا کے دونوں رہنماوں نے شیخ ڈاکٹر محمد عبدالحکیم الازہری سے بھی ملاقات کی۔

ملاقات کے دوران مفتی اعظم انڈیا اور شیخ ڈاکٹر عبدالحکیم کو شیخ الاسلام ڈاکٹر محمد طاہرالقادری کی انگریزی کتاب ’’The Real Sketch of Prophet Muhammad‘‘ کا تحفہ پیش کیا گیا، جسے انہوں نے قبول کیا۔ مفتی اعظم انڈیا شیخ ابوبکر احمد مسلیار الشافی نے شیخ الاسلام کی علمی خدمات کو سراہا اور انہیں عالم اسلام کا بڑا اسکالر اور علمی سرمایہ قرار دیا۔ اس موقع پر دونوں اسکالرز کو گجرات کی روایتی چادر بھی پہنچائی گئی۔