ڈاکٹر حسن محی الدین قادری کی زیرِ صدارت نائب ناظمینِ اعلیٰ اور مختلف فورمز کے صدور کا ایک اہم اجلاس
چیئرمین سپریم کونسل منہاج القرآن انٹرنیشنل پروفیسر ڈاکٹر حسن محی الدین قادری کی زیرِ صدارت نائب ناظمینِ اعلیٰ اور مختلف فورمز کے صدور کا ایک اہم اجلاس مرکزی سیکرٹریٹ ماڈل ٹاؤن لاہور میں منعقد ہوا۔ اجلاس میں 2 نومبر 2025 کو ہونے والے مرکزی مجلسِ شوریٰ کے اجلاس کے انتظامات اور تیاریوں کا تفصیلی جائزہ لیا گیا۔ شرکاء کو مختلف انتظامی پہلوؤں پر بریفنگ دی گئی اور آئندہ کے لائحہ عمل پر مشاورت کی گئی۔
اجلاس میں ناظمِ اعلیٰ خرم نواز گنڈا پور، نائب ناظمینِ اعلیٰ انجینئر محمد رفیق نجم، علامہ رانا محمد ادریس، بریگیڈیئر (ر) عمر حیات، نوراللہ صدیقی، سردار شاکر خان مزاری، راجہ زاہد محمود، کرنل (ر) خالد جاوید، مظہر محمود علوی، عرفان یوسف، قاضی فیض الاسلام، مسعود عثمانی، حافظ سعید رضا، سید محمود الحسن جعفری، لبنیٰ مشتاق، ارشاد اقبال، حافظ وقار، رانا وحید شہزاد، علامہ اشفاق چشتی اور شیخ فرحان عزیز نے شرکت کی۔
اجلاس میں اس عزم کا اظہار کیا گیا کہ منہاج القرآن کے تنظیمی ڈھانچے کو مزید مؤثر اور فعال بنایا جائے گا تاکہ مشنِ شیخ الاسلام ڈاکٹر محمد طاہر القادری کی فکری و روحانی تحریک کو زیادہ سے زیادہ عوام تک پہنچایا جا سکے۔
تبصرہ