منہاج القرآن کے نائب صدر بریگیڈیئر (ر) اقبال احمد خان کی نماز جنازہ ادا کر دی گئی

صدر منہاج القرآن انٹرنیشنل پروفیسر ڈاکٹر حسین محی الدین قادری نے نمازِ جنازہ پڑھائی

لاہور (2اپریل2026) تحریک منہاج القرآن کے نائب صدر بریگیڈیئر (ر) اقبال احمد خان کی نماز جنازہ ڈی ایچ اے لاہور میں ادا کر دی گئی۔ نمازِ جنازہ صدر منہاج القرآن انٹرنیشنل پروفیسر ڈاکٹر حسین محی الدین قادری نے پڑھائی اور مرحوم کی بخشش و مغفرت کے لئے دعا کی۔

ڈاکٹر حسین محی الدین قادری نے بریگیڈیئر (ر) اقبال احمد خان (مرحوم) کی دین اسلام، انسانیت اور تحریک منہاج القرآن کے لیے خدمات کو خراج تحسین پیش کیا۔ انہوں نے کہا کہ بریگیڈیئر (ر) اقبال احمد خان اخلاص وفا کا پیکر، دیانتدار، ایماندار، انتہائی خوش اخلاق، خوش گفتار اور مصطفوی مشن کا عظیم سرمایہ تھے۔ پروفیسر ڈاکٹر حسین محی الدین قادری نے بریگیڈئیر (ر) اقبال احمد خان کی دین اسلام، پاکستان، انسانیت اور تحریک منہاج القرآن کے لئے خدمات کو زبردست خراج تحسین پیش کیا۔

انہوں نے کہا کہ اللہ تعالیٰ بریگیڈیئر (ر) اقبال احمد خان کی مصطفوی مشن کے لیے خدمات کو قبول فرمائے اور انہیں جنت الفردوس میں اعلیٰ مقام اور لواحقین کو صبر جمیل عطا فرمائے۔ انہوں نے مرحوم کے پسماندگان بالخصوص راجہ فیض رسول (بیٹے)، سمیع الرحمن اور شجاع الرحمن (نواسے) و دیگر لواحقین سے اظہار تعزیت کیا۔

نمازِ جنازہ میں ناظمِ اعلیٰ منہاج القرآن انٹرنیشنل خرم نواز گنڈا پور، جی ایم ملک، بریگیڈیئر (ر) عمر حیات ،حاجی عبد الغفور، ڈاکٹر محمد رفیق نجم، پروفیسر ڈاکٹر ساجد محمود شہزاد، ڈاکٹر میر آصف اکبر قادری، علامہ اشفاق علی چشتی، میاں زاہد اسلام، علامہ رانا محمد ادریس قادری، کرنل (ر) خالد جاوید، ڈاکٹر محمد فاروق رانا، مظہر محمود علوی، جواد حامد، شہزاد رسول، حاجی محمد اسحاق، قاضی فیض السلام ، میاں عبد القادر، شکیل احمد طاہر، رانا وحید شہزاد قادری، اقبال حسین باجوہ، ثاقب بھٹی سمیت تحریکِ منہاج القرآن اور پاکستان عوامی تحریک کے مرکزی، صوبائی، ضلعی رہنمائوں اور کارکنان کی بڑی تعداد نے شرکت کی۔