سیکرٹری کونسل آف فاؤنڈنگ ممبرز شہزاد رسول قادری کا فاؤنڈنگ ممبرز ڈے کے موقع پر اظہارِ خیال
ابتدائی دور کے وہ ساتھی جنہوں نے نہ دن دیکھا نہ رات دیکھی اور ہر مشکل اور آزمائش کے وقت شیخ الاسلام ڈاکٹر محمد طاہرالقادری کے شانہ بشانہ کھڑے رہے، آج کا یہ عظیم دن درحقیقت اُن جانثار رفقاء کو سلامِ عقیدت پیش کرنے کا دن ہے۔
ہم اُن تمام فاؤنڈنگ اور سینئر ممبرز کو خراجِ تحسین پیش کرتے ہیں جنہوں نے اس عظیم مصطفوی مشن کی بنیادوں میں اپنا خونِ جگر، وقت اور صلاحیتیں صرف کیں۔ آج تحریک منہاج القرآن کا دنیا بھر میں پھیلاؤ اُنہی بزرگوں کی اخلاص، قربانیوں اور استقامت کا نتیجہ ہے۔
آپ سب ہمارے لیے موٹیویشن اور رہنمائی کا سرچشمہ ہیں۔ ہم آپ کی محبت، اخلاص اور قربانیوں سے سبق لیتے ہیں اور دعا گو ہیں کہ اللہ تعالیٰ ہمیں اور ہماری نسلوں کو بھی اس عظیم مشن کے ساتھ استقامت عطا فرمائے۔
میں تمام بزرگ فاؤنڈنگ ممبرز سے درخواست کرتا ہوں کہ وہ ہمیں اپنی دعاؤں میں یاد رکھیں اور اپنی قیمتی نصیحتوں اور تجربات سے ہماری رہنمائی فرماتے رہیں، تاکہ ہم اس عظیم مشن کو آئندہ نسلوں تک اسی جذبے اور اخلاص کے ساتھ منتقل کر سکیں۔
تبصرہ