دہشت گرد انسانیت کے بد ترین دشمن ہیں : ڈاکٹر محمد طاہرالقادری

جمرود مسجد میں ہونے والے خود کش دھماکے کی شدید ترین الفاظ میں مذمت کرتے ہوئے ڈاکٹر محمد طاہرالقادری نے کہا کہ دہشت گرد انسانیت کے بدترین دشمن ہیں اور ان کا کوئی مذہب نہیں۔ اسلام انتہاء پسندی اور دہشت گردی کی پرزور مذمت کرتا ہے۔ ایسے عناصر انسانیت کے قاتل ہیں۔ انہوں نے خود کش دھماکے میں 50 سے زائد قیمتی انسانی جانوں کے ضیاع اور درجنوں افراد کے زخمی ہونے پر گہرے دکھ اور غم کر اظہار کرتے ہوئے کہا کہ حکومت دھشت گردی کے خاتمے کے لیے ٹھوس منصوبہ بندی سے آگے بڑھے تاکہ عدم تحفظ کے شدید ترین احساس سے عوام نجات پا سکیں۔