منہاج القرآن انٹرنیشنل کے ڈائریکٹوریٹ انٹرفیتھ ریلیشنز کے ناظم سہیل احمد رضا انٹرنیشنل بک فیئر میں شرکت کے لیے ایران پہنچ گئے۔

تحریک منہاج القرآن کی نظامت بین المذاہب تعلقات کے ناظم سہیل احمد رضا 22 ویں سالانہ تہران انٹرنیشنل بک فئیر میں شرکت کرنے کے لیے ایران پہنچ گئے ہیں۔ 22 واں سالانہ تہران انٹرنیشنل بک فئیر تہران میں 3 مئی سے شروع ہو گیا ہے جو 12 مئی تک جاری رہے گا۔ بک فئیر میں شرکت کے لیے حکومت ایران نے سہیل احمد رضا کو بطور مہمان خصوصی دعوت دی ہے۔ آپ اپنے وفد کے ساتھ تہران پہنچ گئے ہیں۔ سہیل احمد رضا بک فئیر میں شرکت کے علاوہ ایران میں ایک ہفتے تک قیام کریں گے۔ اس دوران آپ تحریک منہاج القرآن کی طرف سے ایرانی حکام کیساتھ ملاقاتیں بھی کریں گے۔ دریں اثناء کتاب میلہ کی اختتامی تقریب میں ایران کے صدر احمدی نژاد بھی ملاقات کریں گے جن سے سہیل احمد رضا کی ملاقات بھی متوقع ہے۔