سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
مرکز منہاج القرآن انٹرنیشنل فرانس میں 6 مئ 2011ء بروز جمعۃ المبارک ماہانہ محفل گوشہ درود منعقد کی گئی۔ جس میں سربراہ سلسلہ علوی الجزائر فرانس شیخ خالد بن تونس نے صدر مسلم سکاؤٹ فرانس حسین سودوکی انچارج کمیونیکیشن شیخ عزیز بن تونس اور دیگر 25 افراد پر مشتمل وفد کے ہمراہ شرکت کی۔
سینئر نائب ناظم اعلیٰ تحریک منہاج القرآن شیخ زاہد فیاض تنظیمی دورہ کے لیے یکم مئی 2011ء بروز اتوار کو فرانس پہنچے۔ منہاج القرآن فرانس کی تنظیم کی طرف سے آپ کے لیے مقامی ہوٹل میں ایک پرتکلف عشائیہ دیا گیا۔
منہاج ویب ٹی وی کی پر وقار افتتاحی تقریب مرکز منہاج القرآن فرانس میں سینئر نائب ناظم اعلی منہاج القرآن انٹرنیشنل شیخ زاہد فیاض کی صدارت میں منعقد کی گئی۔ مہمانان گرامی میں ممبر منہاج سپریم کونسل حاجی گلزار احمد، امیر منہاج یورپین کونسل علامہ حسن میر قادری، ڈائریکٹر منہاج ویلفیئر فاؤنڈیشن یورپ علامہ حافظ محمد اقبال اعظم الازہری اور چوہدری ظہیر عباس گجر موجود تھے۔
منہاج القرآن انٹرنیشنل فرانس میں مورخہ 29 اپریل 2011ء بروز جمعہ بعد نماز عشاء ہفتہ وار محفل منعقد ہوئی جس میں منہاج القرآن انٹرنیشنل کے سینئر نائب ناظم اعلیٰ شیخ زاہد فیاض نے خصوصی شرکت کی
مسلم لیگ’’ن‘‘ کے ایم این اے محمد حنیف عباسی نے مورخہ 29 اپریل 2011ء بروز جمعۃ المبارک مرکز منہاج القرآن اسلامک سنٹر سارسل فرانس کا وزٹ کیا۔اپنے وزٹ کے دوران انہوں نے مرکز کے مختلف شعبہ جات دیکھے اور منہاج القرآن کے ذمہ داران سے ملاقات کی۔
مرکز منہاج القرآن انٹرنیشنل فرانس میں منہاج یوتھ لیگ فرانس کے زیر اہتمام 8،9،10 اپریل 2011ء میں دوسرا سالانہ نفلی اعتکاف منعقد کیا گیا۔ یہ اعتکاف میلاد اعتکاف کے نام سے جانا جاتا ہے۔ اس سالانہ اعتکاف کا انعقاد میلاد ِ مصطفٰی صلی اللہ علیہ وآلہ وسلم صلی اللہ علیہ وآلہ وسلم کی نسبت سے کیا جاتا ہے۔
منہاج یورپین کونسل زون 2 کا اجلاس یکم سے تین اپریل 2011ء تک مرکز منہاج القرآن فرانس میں منعقد ہوا جس کی صدارت منہاج یورپین کونسل کے امیر علامہ حسن میر قادری، صدر محمد اعجاز وڑائچ اور جنرل سیکرٹری محمد بلال اپل نے کی۔ زون 2 کے ممالک فرانس، جرمنی(فرینکفرٹ)، سپین، بیلجیئم، ڈنمارک اور ہالینڈ کی ذیلی تنظیمات کے صدور اور جنرل سیکرٹریز شریک ہوئے۔
پاکستان عوامی تحریک فرانس کے زیر اہتمام مورخہ 26 مارچ 2011 بروز ہفتہ کو مرکز منہاج القرآن فرانس میں یوم پاکستان جوش وخروش سے منایا گیا۔ تقریب کی صدارت منہاج یورپین کونسل کے امیر علامہ حسن میر قادری نے کی جبکہ پاکستان مسلم لیگ (ن)، پاکستان مسلم لیگ (ق)، پاکستان پیپلز پارٹی اور ورلڈ اسلامک مشن کے عہدیداران نے خصوصی شرکت کر کے قومی یکجہتی کا ثبوت دیا۔
منہاج القرآن انٹرنیشنل فرانس کے زیر اہتمام مورخہ 18 مارچ 2011 بروز جمعۃ المبارک کو مرکز منہاج القرآن لاکورینو فرانس میں بڑی گیارہویں شریف کا پروگرام منعقد ہوا جس میں مرکزی و علاقائی تنظیمات کے علاوہ پاکستانی کمیونٹی کی کثیر تعداد میں رفقاء وابستگان نے شرکت کی۔ پروگرام کی صدارت منہاج یورپین کونسل کے امیر علامہ حسن میر قادری نے کی جبکہ مہمان خصوصی چیف ایڈیٹر پاک نیوز ڈاٹ سپین شفقت علی رضا تھے۔
منہاج القرآن انٹرنیشنل فرانس کے زیراہتمام مورخہ 04 مارچ 2011 ء بروز جمعۃ المبارک کو مرکز منہاج القرآن لاکورنیو فرانس میں ماہانہ محفل گوشہ درود منعقد ہوئی۔ جس میں امیر منہاج یورپین کونسل علامہ حسن میر قادری، صدر منہاج القرآن فرانس عبدالجبار بٹ، ڈپٹی ڈائریکٹر منہاج القرآن فرانس علامہ عبدالرازق قادری اور رفقاء و وابستگان نے شرکت فرمائی۔
منہاج القرآن بریڈ فورڈ نے بہت بڑے ہال کو انتہائی خوبصورتی اور محبت سے سجایا تھا جس میں جگہ جگہ شیخ الاسلام کی تصاویر، غبارے اور جھنڈیاں لگائی گئی تھیں۔ شیخ الاسلام ڈاکٹر محمد طاہر القادری کی آمد سے قبل ہی ہال بھر چکا تھا۔ شیخ الاسلام ڈاکٹر محمد طاہر القادری کی ہال میں آمد کے ساتھ ہی محبین اپنے محبوب قائد کے استقبال کے لئے کھڑے ہو گئے اور نعروں کی گونج میں شیخ الاسلام کا استقبال کیا۔
ماہ ربیع الاول کے آغاز سے ہی دنیا بھر میں قائم منہاج القرآن کے مراکز کا رنگ دیکھنے والا ہوتا ہے۔ عاشقان رسول صلی اللہ علیہ وآلہ وسلم محافل و ضیافت میلاد کی تقاریب کا اہتمام کرتے ہیں۔ آقائے دو جہاں صلی اللہ علیہ وآلہ وسلم کے میلاد کی خوشی منانا ہر مسلمان پر فرض ہے۔ دنیا میں نبی اکرم صلی اللہ علیہ وآلہ وسلم کی ولادت سے بڑی کوئی خوشی نہیں۔ تحریک منہاج القرآن میلاد مصطفیٰ صلی اللہ علیہ وآلہ وسلم کو عالمی جشن کے طور پر مناتی ہے۔
منہاج القرآن انٹرنیشنل فرانس کے زیراہتمام مورخہ 05 فروری 2011ء بروز ہفتہ کو مرکز منہاج القرآن سارسل فرانس میں استقبال ربیع الاول کے سلسلہ میں عظیم الشان محفل منعقد ہوئی۔ محفل میں صدر منہاج القرآن انٹرنیشنل فرانس عبدالجبار بٹ، سینئر نائب صدر رانا محمد اشرف، صدر پاکستان عوامی تحریک چودھری ظفر اقبال، جنرل سیکرٹری پاکستان عوامی تحریک چودھری محمد اعظم، صدر منہاج ویلفیئر فاؤنڈیشن محمد نعیم چودھری، نائب صدر منہاج ویلفیئر فاؤنڈیشن حاجی طارق جاوید، ناظم منہاج ایجوکیشن محمد اکرم جاوید، ممبر مجلس شوریٰ محمد نعیم جوڑا، ڈائریکٹر منہاج میڈیا کوآرڈینیشن یورپ راؤ خلیل احمد اور عدنان شفقت کے علاوہ رفقاء و وابستگان اور خواتین کی کثیر تعداد نے شرکت کی۔
منہاج القرآن انٹرنیشنل فرانس کے زیر اہتمام مورخہ 04 فروری 2011 ء بروز جمعۃ المبارک کو مرکز منہاج القرآن لاکورنیو فرانس میں ماہانہ محفل گوشہ درود منعقد ہوئی۔ محفل میں منہاج ویلفیئر فاؤنڈیشن یورپ کے ڈائریکٹر علامہ حافظ محمد اقبال اعظم الازہری، ڈپٹی ڈائریکٹر منہاج القرآن فرانس علامہ محمد رازق حسین، مرکزی وعلاقائی تنظیمات کے عہدیداران کے علاوہ پاکستانی کمیونٹی کی کثیر تعداد نے شرکت کی۔
منہاج یونیورسٹی سے فارغ التحصیل علامہ عبدالرازق مورخہ 18 جنوری 2011ء کو پیرس پہنچ گئے۔ پیرس پہنچنے پر منہاج القرآن انٹرنیشنل فرانس کے صدر عبدالجبار بٹ، سینئر نائب صدر رانا محمد اشرف، صدر ادارہ سارسل محمد زاہد، ڈائریکٹر منہاج ویلفیئر فاؤنڈیشن یورپ علامہ حافظ محمد اقبال اعظم اور ممبر سپریم کونسل حاجی گلزار احمد کے علاوہ صدر منہاج میڈیا کوآرڈینیشن بیورو یورپ راؤ خلیل احمد نے ان کا استقبال کیا
3.6M
فیس بک
1.9M
ٹوٹر
© 1994 - 2024 Minhaj-ul-Quran International.
