تحریک منہاج القرآن پاکستان کی اہم خبریں

منہاج القرآن ویمن لیگ کے زیراہتمام ’’عرفان الہدایہ ریفریشر کورس‘‘ کا انعقاد

منہاج القرآن ویمن لیگ کے زیراہتمام ’’عرفان الہدایہ ریفریشر کورس‘‘ کا انعقاد

تحریک منہاج القرآن کی سپریم کونسل کے چیئرمین ڈاکٹر حسن محی الدین قادری نے منہاج القرآن ویمن لیگ کے زیراہتمام منعقدہ ’’عرفان الہدایہ ریفریشر کورس‘‘ میں شریک خواتین سے خطاب کرتے ہوئے کہا کہ تحریک منہاج القرآن قرآن و سنت کا علم، امن، رواداری اور احترام آدمیت و تکریم انسانیت پر مبنی پیغام دنیا میں عام کررہی ہے، سوشل میڈیا پر نوجوان طلباء وطالبات اسلام اور پاکستان کی آئیڈیالوجی پر ہونے والے مذموم حملوں کا دفاع بھی کریں اور اسلام کی سچی تعلیمات کے فروغ کیلئے اپنا اسلامی، ملی کردار ادا کریں۔

05 مئی 2018ء

شب برات کا روحانی اجتماع

شب برات کا روحانی اجتماع

تحریک منہاج القرآن کے زیراہتمام شب برات کے مقدس و بابرکت موقع پر یکم مئی 2018ء کی شب مرکزی سیکرٹریٹ ماڈل ٹاؤن میں ’’شب التجا‘‘ کے عنوان سے روحانی اجتماع منعقد ہوا، جس سے سفیر یورپ علامہ حافظ نذیر احمد قادری نے خطاب کیا۔ محفل میں مشائخ عظام، جید علمائے کرام، نامور قرآء و نعت خوان حضرات نے شرکت کی، اس دعائیہ محفل میں مرد و خواتین کی کثیر تعداد بھی موجود تھی۔

01 مئی 2018ء

شب برات کا روحانی اجتماع آج مرکزی سیکرٹریٹ ماڈل ٹاون میں ہو گا

شب برات کا روحانی اجتماع آج مرکزی سیکرٹریٹ ماڈل ٹاون میں ہو گا

تحریک منہاج القرآن کے زیراہتمام شب برات کے مقدس و بابرکت موقع پر یکم مئی 2018ء کی رات مرکزی سیکرٹریٹ ماڈل ٹاؤن میں ’’شب التجا‘‘ کے عنوان سے روحانی اجتماع منعقد ہو گا۔ جس میں مشائخ عظام، جید علمائے کرام، نامور قرآء و نعت خوان حضرات شرکت کریں گے۔ دعائیہ محفل میں مرد و خواتین کی کثیر تعداد بھی شرکت کریگی۔ شیخ الاسلام ڈاکٹر محمد طاہرالقادری نے ’’شب برأت‘‘ کے موقع پر اپنے پیغام میں کہا ہے کہ 15 ویں شب شعبان (شب برأت) بخشش اور مغفرت کی رات ہے، اس رات ساری مسلم قوم توبہ، استغفار اور عبادات کرے۔

01 مئی 2018ء

لٹیروں کے احتساب کیلئے الیکشن میں تاخیر سے کوئی قیامت نہیں آئیگی: ڈاکٹر حسن محی الدین کا چنیوٹ میں ورکرز کنونشن سے خطاب

لٹیروں کے احتساب کیلئے الیکشن میں تاخیر سے کوئی قیامت نہیں آئیگی: ڈاکٹر حسن محی الدین کا چنیوٹ میں ورکرز کنونشن سے خطاب

پاکستان عوامی تحریک کے سینئر مرکزی رہنماء چیئرمین سپریم کونسل ڈاکٹر حسن محی الدین نے کہا ہے کہ قومی لٹیروں کے مکمل احتساب کیلئے الیکشن چند ماہ کیلئے مؤخر بھی ہو جائیں تو کوئی قیامت نہیں ٹوٹے گی۔ احتساب کے بغیر انتخاب ہوئے تو سیاسی گندگی پلٹ آئے گی، موجودہ ظالم نظام کے خلاف پہلی آواز ڈاکٹر طاہرالقادری نے بلند کی اور رد عمل میں 14 لاشیں اٹھائیں۔ گزشتہ چار سال کا ہر دن قاتل اشرافیہ اور ظالم نظام کے خلاف جدوجہد کرتے گزارا۔ قارون کی دولت اور فرعون کی طاقت رکھنے والے تمام تر ہتھکنڈوں کے باوجود ڈاکٹر طاہرالقادری کے جرات مند کارکنوں، بیٹوں اور بیٹیوں کو نہ ڈرایا جا سکا نہ جھکایا جا سکا ان شاء اللہ تعالیٰ انقلاب کا سورج طلوع ہوگا اور شہدا کی قربانیاں رنگ لائیں گی۔

29 اپریل 2018ء

کیمبرج آئی ایف اے کی طرف سے منہاج یونیورسٹی کیلئے بہترین تعلیمی ادارہ کا ایوارڈ

کیمبرج آئی ایف اے کی طرف سے منہاج یونیورسٹی کیلئے بہترین تعلیمی ادارہ کا ایوارڈ

ہائیر ایجوکیشن کے فروغ میں پاکستان میں بہترین تعلیمی خدمات انجام دینے پر منہاج یونیورسٹی کو کوالالمپور، ملائیشیا میں بین الاقوامی آرگنائزیشن کیمبرج آئی ایف اے کی طرف سے ’’3 جی سوشل رسپانسبلٹی ان ہائیر ایجوکیشن ایوارڈ 2018 ‘‘ سے نوازا گیا۔ ایوارڈ منہاج یونیورسٹی لاہور کے ڈپٹی چیئرمین ڈاکٹر حسین محی الدین القادری نے کوالمپور میں منعقدہ خصوصی تقریب میں وصول کیا۔ منہاج یونیورسٹی لاہور کو کم آمدنی والے شہریوں کو اعلیٰ تعلیم کی فراہمی میں خدمات پر ایوارڈ کیلئے منتخب کیا گیا۔

24 اپریل 2018ء

سانحہ ماڈل ٹاؤن، سرکاری وکیل کے رویے کے خلاف وکلاء عوامی تحریک کا احتجاج، اے ٹی سی جج کا اظہار برہمی

سانحہ ماڈل ٹاؤن، سرکاری وکیل کے رویے کے خلاف وکلاء عوامی تحریک کا احتجاج، اے ٹی سی جج کا اظہار برہمی

سانحہ ماڈل ٹاؤن استغاثہ کیس کی کارروائی کے دوران پولیس ملزمان کے وکلاء کی مداخلت اور کارروائی میں خلل ڈالنے پر اے ٹی سی جج نے عدالتی ڈیکورم کا خیال رکھنے کی بار بار تنبیہ کی اور ان وکلاء کو روسٹرم سے ہٹ جانے کا حکم دیا جو ملزمان کے وکلاء نہیں تھے، اے ٹی سی جج کے بار بار حکم کے باوجود ملزم پارٹی نے شوروغل جاری رکھا جس پر اے ٹی سی جج نے سختی سے کہا کہ اس شور کا کسی کو کوئی فائدہ نہیں پہنچے گا، عدالتی عمل ہر صورت قانون کے مطابق آگے بڑھے گا۔

23 اپریل 2018ء

منہاج یونیورسٹی لاہور میں سسٹرز سیکرز کلب کے زیراہتمام سیمینار ’’یونیورسٹی کی زندگی میں خواتین کا تشخص‘‘

منہاج یونیورسٹی لاہور میں سسٹرز سیکرز کلب کے زیراہتمام سیمینار ’’یونیورسٹی کی زندگی میں خواتین کا تشخص‘‘

منہاج یونیورسٹی لاہور کی ممبر بورڈ آف گورنرز ڈاکٹر غزالہ حسن قادری نے کہا ہے کہ عورت کی عزت اس کا پردہ ہے، اسلام نے معاشرے کو پرامن بنانے اور بگاڑ سے بچانے کیلئے مرد و زن کیلئے حدود و قیود متعین کی ہیں، اسلام کے متعین کردہ ضابطہ اخلاق میں عورت کی تکریم اور باوقار آزادی ہے۔ ان خیالات کا اظہار انہوں نے منہاج یونیورسٹی لاہور میں ’’منہاج سسٹرز سیکرز کلب‘‘ کے زیراہتمام ’’یونیورسٹی کی زندگی میں خواتین کا تشخص‘‘ کے عنوان سے منعقدہ سیمینار سے خطاب کرتے ہوئے کیا۔

21 اپریل 2018ء

منہاج یونیورسٹی کے زیراہتمام ’’پری بجٹ سیمینار‘‘ فنی تعلیم پر وسائل خرچ کرنیکا مطالبہ

منہاج یونیورسٹی کے زیراہتمام ’’پری بجٹ سیمینار‘‘ فنی تعلیم پر وسائل خرچ کرنیکا مطالبہ

منہاج یونیورسٹی لاہورکے زیراہتمام ’’پری بجٹ سیمینار‘‘ سے خطاب کرتے ہوئے مقررین نے کہا کہ آج قوموں کی خوشحالی کی ضمانت معدنی ذخائر نہیں اعلیٰ تعلیم، سائنس وٹیکنالوجی، ٹیکنیکل ایجوکیشن اور جدید تحقیق اور ہنر مند افرادی قوت ہے، قومی وسائل سڑکوں، پلوں، عمارات کی بجائے اعلیٰ تعلیم و تحقیق پر خرچ کرنے سے پاکستان سیاسی، سماجی، معاشی بحرانوں سے باہر نکلے گا، پاکستان میں ہنر مند افرادی قوت کی شرح 4 سے 6 فیصد کے درمیان ہے جبکہ جرمنی میں یہ شرح 78 فیصد، کوریا، ہنگری، فن لینڈ، چین اور جاپان میں 100 فیصد ہے، ترقی کرنیوالے ممالک میں یہ شرح 66 فیصد سے زیادہ ہے، پاکستان تعلیم پر 2.2 فیصد جبکہ فنی تعلیم پر فنڈز نہ ہونے کے برابر ہیں۔

19 اپریل 2018ء

دعوہ اکیڈمی اسلام آباد کے سالانہ بک فیئر میں منہاج القرآن پبلی کیشنز کا اسٹال

دعوہ اکیڈمی اسلام آباد کے سالانہ بک فیئر میں منہاج القرآن پبلی کیشنز کا اسٹال

انٹرنیشنل اسلامی یونیورسٹی میں دعوۃ اکیڈمی کے زیراہتمام نویں سالانہ بک فئیر 2018ء کا انعقاد 12 سے 16 اپریل تک ہوا، بک فیئر میں منہاج القرآن اسلام آباد کی طرف سے شیخ الاسلام ڈاکٹر محمد طاہرالقادری کی کتب کا منہاج القرآن پبلی کیشنز اسٹال لگایا گیا۔ جہاں شیخ الاسلام ڈاکٹر محمد طاہرالقادری کی تمام کتب 50 فیصد رعائت کیساتھ دستیاب تھیں۔

16 اپریل 2018ء

سانحہ ماڈل ٹاؤن استغاثہ کیس، 18 اپریل کو ہونے والی قانونی کارروائی کے حوالے سے اہم نکات

سانحہ ماڈل ٹاؤن استغاثہ کیس، 18 اپریل کو ہونے والی قانونی کارروائی کے حوالے سے اہم نکات

سانحہ ماڈل ٹاون کیس کی انسداد دہشتگردی عدالت لاہور میں سماعت ہوئی، جہاں جواد حامد کی مسلسل تین روز شہادت قلمبند کی گئی۔ جواد حامد کا بیان 16 اپریل 2018 ء کو شروع ہوا مورخہ 18 اپریل 2018 ء کو مکمل ہو گیا۔ سانحہ ماڈل ٹاؤن کے مرکزی کردار ڈی آئی جی رانا عبدالجبار جو ایف آئی آر 510 کے گواہ تھے اے ٹی سی میں بیان ریکارڈ کروانے نہیں آئے، اے ٹی سی جج نے غیر حاضری پر ان کے وارنٹ گرفتاری جاری کر دئیے۔

18 اپریل 2018ء

آغوش گرائمر سکول کی سالانہ تقریب انعامات و یوم والدین

آغوش گرائمر سکول کی سالانہ تقریب انعامات و یوم والدین

آغوش کمپلیکس کے زیراہتمام آغوش گرائمر اسکول کی سالانہ تقریب انعامات و یوم والدین 17 اپریل 2018ء کو منعقد ہوئی۔ تقریب کی صدارت ڈاکٹر حسین محی الدین قادری (صدر منہاج القران انٹرنیشنل) نے کی۔ انہوں نے خطاب کرتے ہوئے کہا کہ آج پاکستان میں جیوگرافی و سوشل سائنسز کی کتب اور خاص طور پر پڑھائے جانے والے تعلیمی نصاب میں سے پاکستان کے نقشہ سے کشمیر کو نکال دیا گیا ہے۔

17 اپریل 2018ء

سانحہ ماڈل ٹاؤن کے مدعی جواد حامد کی اے ٹی سی میں اہم شہادت قلمبند

سانحہ ماڈل ٹاؤن کے مدعی جواد حامد کی اے ٹی سی میں اہم شہادت قلمبند

سانحہ ماڈل ٹاؤن استغاثہ کیس کے حوالے سے 16 اپریل 2018ء کو مستغیث جواد حامد کی اہم شہادت انسداد دہشتگردی عدالت میں قلمبند کی گئی، جواد حامد نے اپنی شہادت قلمبند کرواتے ہوئے کہا کہ 2010 ء میں ڈاکٹر محمد طاہرالقادری نے دہشتگردی کے خلاف عالمی اہمیت کا فتویٰ جاری کیا جس پر دہشتگرد گروپوں کی طرف سے جان سے مارنے کی دھمکیاں دی گئیں اس پر ملکی ایجنسیز نے ڈاکٹر محمد طاہرالقادری کو دہشتگردوں کے مذموم عزائم کے بارے میں تحریری طور پر آگاہ کیا، ان دھمکیوں کا علم جب ڈاکٹر محمد طاہرالقادری کے ہمسایوں اور سیکرٹریٹ کو ہوا تو ماڈل ٹاؤن ایم بلاک کے رہائشیوں نے لاہور ہائیکورٹ میں رٹ دائر کی کہ ان دھمکیوں کے تناظر میں انہیں تحفظ دیا جائے۔

16 اپریل 2018ء

منہاج القرآن ویمن لیگ کی 5 سو رکنی ’’ویمن پارلیمنٹ‘‘ کی تقریب حلف برداری

منہاج القرآن ویمن لیگ کی 5 سو رکنی ’’ویمن پارلیمنٹ‘‘ کی تقریب حلف برداری

منہاج القرآن ویمن لیگ کے زیر اہتمام اپنی نوعیت کی پہلی ’’ویمن پارلیمنٹ‘‘ کی 500 اراکین نے مؤرخہ 15 اپریل 2018 کو منہاج القرآن کے مرکزی سیکرٹریٹ میں منعقدہ خصوصی تقریب میں حلف اٹھایا، تقریب میں سندھ، بلوچستان، خیبرپختونخواہ، پنجاب، گلگت بلتستان، آزاد کشمیر سمیت بیرون ملک سے تعلق رکھنے والی عہدیدار خواتین نے شرکت کی، فرح ناز کو ویمن پارلیمنٹ کا سپیکر اور افنان بابر کو سیکرٹری نامزد کیا گیا۔ تحریک منہاج القرآن کی سپریم کونسل کے چیئرمین ڈاکٹر حسن محی الدین قادری نے ویمن پارلیمنٹ کی ممبران سے حلف لیا اور انہیں ایک عظیم مقصد کے حصول کیلئے جمع ہونے پر مبارکباد دی۔

15 اپریل 2018ء

شیخ الاسلام ڈاکٹر محمد طاہرالقادری کا منہاج القرآن ویمن لیگ کے تنظیمی و تربیتی سیشن سے خطاب

شیخ الاسلام ڈاکٹر محمد طاہرالقادری کا منہاج القرآن ویمن لیگ کے تنظیمی و تربیتی سیشن سے خطاب

شیخ الاسلام ڈاکٹر محمد طاہرالقادری کا منہاج القرآن مرکزی سیکرٹریٹ میں منعقدہ منہاج القرآن ویمن لیگ کے 5 روزہ تنظیمی و تربیتی سیشن سے خطاب کرتے ہوئے کہا کہ مشن پر کاربند رہتے ہوئے اہداف کے 100 فیصد حصول کیلئے فرد اور تنظیم کے مابین احترام پر مبنی رشتہ استوار کرنا ناگزیر ہے۔ اچھی ریلیشن شپ ولایت کا بیج ہے۔ نیت ہو تو بندے کا اللہ سے رشتہ قائم کرنا آسان ہے مگر بندے کا بندے سے رشتہ استوار کرنا اور نبھانا مشکل ہے۔

15 اپریل 2018ء

چوتھا روز: منہاج القرآن ویمن لیگ کا تنظیمی و تربیتی ٹریننگ کیمپ

چوتھا روز: منہاج القرآن ویمن لیگ کا تنظیمی و تربیتی ٹریننگ کیمپ

چیئرمین سپریم کونسل ڈاکٹر حسن محی الدین قادری نے ویمن لیگ کے 5 روزہ تربیتی سیشن کے چوتھے روز خطاب کرتے ہوئے کہا کہ منہاج القرآن احیائے اسلام اور تجدید دین کی عالمگیر تحریک ہے، یہ تحریک دینی، سماجی، عائلی، انفرادی، اجتماعی امور و اقدار میں اسلامی تقاضوں کے مطابق اپنی ذمہ داریاں انجام دے رہی ہے۔ تحریک منہاج القرآن شرق و غرب میں اپنے وسیع و عریض تنظیمی ڈھانچے کے ذریعے اسلام کا علمی، تحقیقی، اصلاحی، فلاحی پر امن پیغام امت مسلمہ اور بنی نوع انسانیت تک پہنچا رہی ہے، جسکے ثمرات نوجوان نسل کی طرف سے اسلام کی طرف تیزی سے بڑھتی ہوئی رغبت کی صورت میں سامنے آ رہے ہیں۔

14 اپریل 2018ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top