تحریک منہاج القرآن پاکستان کی اہم خبریں

آرنے سیوراس ڈائریکٹر نارویجن گلوبل پیس اینڈ سیکیورٹی سنٹر کا مرکزی سیکرٹریٹ منہاج القرآن کا دورہ

آرنے سیوراس ڈائریکٹر نارویجن گلوبل پیس اینڈ سیکیورٹی سنٹر کا مرکزی سیکرٹریٹ منہاج القرآن کا دورہ

آرنے سیوراس نے اس موقع پر گفتگو کرتے ہوئے کہا کہ بین المذاہب رواداری کے فروغ، عدم برداشت کے رویوں، دہشت گردی کے خاتمے اور عالمی امن کیلئے ڈاکٹر طاہرالقادری کی نتیجہ خیز کاوشوں کو ہمیشہ سے سراہتے ہیں۔ تحریک منہاج القرآن کی جدوجہد دنیا میں قیام امن کیلئے یقینا سنگ میل ثابت ہوگی۔ آرنے سیوراس نے کہا کہ قیام امن کیلئے ڈاکٹر طاہرالقادری کو ساری دنیا میں قدر کی نگاہ سے دیکھا جاتا ہے ہم بھی انکی کاوشوں کو خراج تحسین پیش کرتے ہیں۔

16 مئی 2015ء

ماؤں کے عالمی دن کے حوالے سے عوامی تحریک کے مرکزی سیکرٹریٹ میں خصوصی تقریب

ماؤں کے عالمی دن کے حوالے سے عوامی تحریک کے مرکزی سیکرٹریٹ میں خصوصی تقریب

ماؤں کے عالمی دن کے حوالے سے پاکستان عوامی تحریک اور منہاج القرآن ویمن لیگ کے زیر اہتمام مرکزی سیکرٹریٹ میں خصوصی تقریب منعقد ہوئی۔ تقریب کے دوران ماڈل ٹاؤن میں شہید کر دی جانے والی تنزیلہ امجد کی بیٹی نے اپنی نانی کو پھولوں کا گلدستہ دیا۔ شہید تنزیلہ امجد کی بیٹی بسمہ نے جب اپنی نانی کو پھولوں کا گلدستہ پیش کیا تو تقریب میں شریک خواتین آبدیدہ ہو گئیں ۔

08 مئی 2015ء

دھرنا انقلابی جدوجہد کا ایک باب تھا، پوری کتاب باقی ہے: ڈاکٹر طاہرالقادری

دھرنا انقلابی جدوجہد کا ایک باب تھا، پوری کتاب باقی ہے: ڈاکٹر طاہرالقادری

پاکستان عوامی تحریک کے سربراہ ڈاکٹر طاہرالقادری نے کہا ہے کہ دھرنا ہماری انقلابی جدوجہد کا فقط ایک باب تھا ابھی پوری کتاب باقی ہے۔ سیاسی قیادت نے لوٹ مار کی کمائی کے بل بوتے پر 20 کروڑ عوام اور جمہوری نظام کو یرغمال بنارکھا ہے۔ یہ کیسی جمہوریت اور انصاف کا نظام ہے کہ ماڈل ٹاؤن میں عوامی تحریک کے پرامن کارکنوں جن میں خواتین بھی شامل تھیں پر ایک ہزار سے زائد پولیس افسران اور اہلکار کئی گھنٹے سیدھی فائرنگ کرتے رہے 14 شہید اور 90 کو شدید زخمی کر دیا اور تاحال ایک کانسٹیبل بھی گرفتار نہیں ہو سکا؟۔

03 مئی 2015ء

یوم مئی تربت میں شہید کر دئیے جانیوالے 20 مزدوروں کے نام کرتے ہیں: ڈاکٹر طاہرالقادری

یوم مئی تربت میں شہید کر دئیے جانیوالے 20 مزدوروں کے نام کرتے ہیں: ڈاکٹر طاہرالقادری

ڈاکٹر طاہرالقادری نے یوم مئی پر اپنے خصوصی پیغام میں کہا کہ رواں سال یوم مئی تربت میں شہید کر دئیے جانے والے 20 مزدوروں کے نام کرتے ہیں جو اپنے بچوں کیلئے رزق حلال کمانے گئے اور شہید کر دئیے گئے۔ محنت کش کو اللہ نے اپنا دوست قرار دیا ہے۔ حکمران ان سے دشمنی ختم کر دیں۔ ایسا مزدور دوست معاشی نظام چاہتے ہیں جس میں مزدور کو ایک تولہ سونے کے برابر تنخواہ ملے۔ 80فیصد مظاہرے مزدور کرتے ہیں جو حکمرانوں کی مزدور دشمن پالیسیوں اور زبانی جمع خرچ کا ردعمل ہے۔ ہمارا 10 نکاتی ایجنڈا مزدور کی زندگی میں معاشی انقلاب لائے گا۔

01 مئی 2015ء

گجرات: منہاج ویلفیئر فاؤنڈیشن کے تحت شادیوں کی اجتماعی تقریب

گجرات: منہاج ویلفیئر فاؤنڈیشن کے تحت شادیوں کی اجتماعی تقریب

منہاج ویلفیئر فاؤنڈیشن گجرات کے تحت شادیوں کی اجتماعی تقریب میں 11 جوڑے رشتہ ازدواج میں منسلک ہو گئے۔ اس موقع پر ڈاکٹر رحیق عباسی نے خطاب کرتے ہوئے کہا کہ مجبور اور بے سہارا افراد کے دکھ بانٹنا اصل عبادت اور خدمت ہے، انہوں نے کہا کہ منہاج ویلفیئر فاؤنڈیشن سربراہ عوامی تحریک ڈاکٹر طاہرالقادری کے انسانی خدمت کے ویژن اور عزم کے تحت شادیوں کی اجتماعی تقاریب منعقد کر رہی ہے۔

27 اپریل 2015ء

ڈائریکٹوریٹ آف انٹرفیتھ ریلیشنز کے زیراہتمام شریعہ کالج کے طلبہ کا مندر اور گرجوں کا وزٹ

ڈائریکٹوریٹ آف انٹرفیتھ ریلیشنز کے زیراہتمام شریعہ کالج کے طلبہ کا مندر اور گرجوں کا وزٹ

ڈائریکٹوریٹ آف انٹرفیتھ ریلیشنز منہاج القرآن انٹرنیشنل کے زیراہتمام مورخہ 19 اپریل 2015ء منہاج یونیورسٹی، کالج آف شریعہ اینڈ اسلامک سائنسز لاہور کے ایم فل اور پی ایچ ڈی طلبہ کو لاہور شہر کے ہندوؤں کے شری کرشنا مندر راوی روڈ، بالمیک سوامی مندر نیلا گنبد، نولکھا پریسٹرین چرچ ریلوے اسٹیشن اور Praying Hands کیتھیڈرل چرچ وارث روڈ کا وزٹ ڈائریکٹر انٹرفیتھ ریلیشنز سہیل احمد رضا کی قیادت میں کیا۔

19 اپریل 2015ء

انٹرفیتھ ریلیشنز منہاج القرآن کے وفد کی بین المذاہب دعائیہ تقریب میں شرکت

انٹرفیتھ ریلیشنز منہاج القرآن کے وفد کی بین المذاہب دعائیہ تقریب میں شرکت

تقریب سے خطاب کرتے ہوئے سہیل احمد رضا نے موجودہ حالات کے تناظر میں بین المذاہب رواداری کے فروغ پر روشنی ڈالتے ہوئے قومی اور علاقائی کی سطح پر باہمی روابط کو تشکیل دینے اور مسلم مسیح اتحاد کی اہمیت کو اجاگر کیا۔ انہوں نے کیتھولک کیتھیڈرل چرچ لاہور میں میلاد مصطفیٰ صلی اللہ علیہ وآلہ وسلم کے انعقاد کو ایک تاریخی پیش رفت قرار دیتے ہوئے آئندہ سال کو مسیح مسلم دوستی کا سال قرار دینے پر روز دیا۔

09 اپریل 2015ء

منہاج ویلفیئر اور المواخات کی طرف سے بیروزگاروں کیلئے سائیکلو وین کی تقسیم

منہاج ویلفیئر اور المواخات کی طرف سے بیروزگاروں کیلئے سائیکلو وین کی تقسیم

منہاج ویلفیئر فاؤنڈیشن اور المواخات اسلامک مائیکرو فنانس کے مشترکہ تعاون سے منعقدہ خصوصی تقریب میں بیروزگاروں میں ’’سائیکلو وین‘‘ تقسیم کی گئیں۔ اس موقع پر ڈاکٹر رحیق عباسی نے سائیکلو وین حاصل کرنے والوں اور تقریب کے شرکاء سے خطاب کرتے ہوئے کہا کہ بے سہارا افراد کو پاؤں پر کھڑا کرنا اور مجبوروں، مزدوروں اور مظلوموں کی مدد کرنا ہی ڈاکٹر طاہر القادری کی سیاست ہے۔

18 اپریل 2015ء

آخری سانس تک میں اور میرے کارکن ظالمانہ نظام سے لڑیں گے: ڈاکٹر طاہرالقادری‎

آخری سانس تک میں اور میرے کارکن ظالمانہ نظام سے لڑیں گے: ڈاکٹر طاہرالقادری‎

پاکستان عوامی تحریک کے سربراہ ڈاکٹر طاہرالقادری نے کینیڈا سے ویڈیو لنک پر عوامی تحریک کے آل پاکستان ورکرز کنونشن سے براہ راست خطاب کرتے ہوئے کہا کہ پاکستان عوامی تحریک واحد جماعت ہے جس نے مرکزی قیادت کے انتخاب کیلئے یونین کونسل کے کارکنان کو ووٹ کے استعمال کا حق دیا۔ انہوں نے نو منتخب عہدیداروں ڈاکٹر رحیق عباسی، خرم نواز گنڈا پور ودیگر کو انکے انتخاب پر مبارک دی اور ورکرز کنونشن سے خطاب کرتے ہوئے انہوں نے کہا کہ کارکنوں نے انقلاب کیلئے لازوال قربانیاں دیں، مجھے اپنے کارکنوں کی قربانیوں پر فخر ہے

07 اپریل 2015ء

لاہور: ایم ایس ایم کے زیراہتمام امن کانفرنس

لاہور: ایم ایس ایم کے زیراہتمام امن کانفرنس

مصطفوی سٹوڈنٹس موومنٹ کے زیراہتمام مرکزی سیکرٹریٹ پر ’’امن کانفرنس‘‘ کا انعقاد کیا گیا، جس میں لاہور بھر سے 500 سے زاہد طلبہ و طلبات نے شرکت کی۔ اس کانفرنس کے مہمان خصوصی چیئرمین سپریم کونسل منہاج القرآن انٹرنیشل صاحبزادہ حسن محی الدین قادری تھے، جبکہ دیگر مہمانوں میں خرم نواز گنڈاپور، شیخ زاہد فیاض، میاں عمران مسعود سابق صوبائی وزیر تعلیم، حنیف مصطفوی سابق مرکزی صدر ایم ایس ایم، فرخ حبیب مرکزی صدر انصاف سٹوڈنٹس فیڈریشن، مدثر حیدر مرکزی سیکرٹری جنرل ISO، ارون کمار نمائندہ ہندو کمیونٹی، آصف عقیل نمائندہ کرسچن کمیونٹی شامل تھے۔

01 اپریل 2015ء

منہاج ویلفیئر فاؤنڈیشن کے تحت شادیوں کی اجتماعی تقریب، 23 مسلم و غیر مسلم جوڑے رشتہ ازدواج میں منسلک

منہاج ویلفیئر فاؤنڈیشن کے تحت شادیوں کی اجتماعی تقریب، 23 مسلم و غیر مسلم جوڑے رشتہ ازدواج میں منسلک

منہاج ویلفیئر فاؤنڈیشن کے زیراہتمام شادیوں کی 11 ویں سالانہ اجتماعی تقریب میں مسلم و غیر مسلم 23 جوڑے رشتہ ازدواج میں منسلک ہو گئے۔ تقریب کے مہمانان خصوصی چیئرمین سپریم کونسل ڈاکٹر حسن محی الدین، سینیئر سیاستدان بیگم عابدہ حسین، مرکزی سیکرٹری جنرل ‎PAT خرم نواز گنڈاپور، پیر مہرہ شریف شہزادہ ہمایوں پیرزادہ نے دلہوں اور دلہنوں کو خصوصی تحائف دیے۔

29 مارچ 2015ء

عوامی تحریک یوتھ ونگ کے زیراہتمام آل پارٹی یوتھ امن سیمینار

عوامی تحریک یوتھ ونگ کے زیراہتمام آل پارٹی یوتھ امن سیمینار

پاکستان عوامی تحریک یوتھ ونگ کے زیراہتمام منعقدہ آل پارٹی یوتھ امن سیمینار سے خطاب کرتے ہوئے چیئرمین سپریم کونسل تحریک منہاج القرآن ڈاکٹر حسن محی الدین نے کہا کہ 67 فیصد ملکی یوتھ کی کیریئر کونسلنگ اور ہیومین ڈویلپمنٹ کیلئے کوئی بجٹ ہے نہ وزارت۔ زبانی جمع خرچ کا نتیجہ ہے کہ 67 فیصد نوجوان لا تعداد نفسیاتی مسائل کا شکار ہو چکے ہیں، دہشت گردی اور سنگین جرائم میں اضافہ نوجوانوں کی تربیت سے منہ موڑنے کا نتیجہ ہے۔

27 مارچ 2015ء

پاکستان عوامی تحریک کی فیصل آباد میں سانحہ ماڈل ٹاؤن کے خلاف احتجاجی ریلی

پاکستان عوامی تحریک کی فیصل آباد میں سانحہ ماڈل ٹاؤن کے خلاف احتجاجی ریلی

مرکزی سیکرٹری جنرل خرم نواز گنڈاپور نے سانحہ ماڈل ٹاؤن کے خلاف احتجاجی ریلی سے خطاب کرتے ہوئے کہا کہ پنجاب کے موجودہ حکمران ہمارے 14 بے گناہ کارکنوں کے قاتل ہیں، جوڈیشل کمیشن نے بھی ماڈل ٹاؤن قتل و غارت گری کا ذمہ دار پنجاب حکومت کو ٹھہرایا، قاتل حکمرانوں اور قاتل پولیس کے نمائندوں پر مشتمل جے آئی ٹی قبول نہیں۔ ماڈل ٹاؤن قتل و غارت گری کے مرکزی کردار رانا ثناء اللہ کو ڈپٹی وزیراعلیٰ اور ڈاکٹر توقیر کو سفیر بنا دیا گیا۔ انہوں نے کہا کہ پاکستان عوامی تحریک کے سربراہ ڈاکٹر طاہرالقادری کا شہداء کے خون کا قصاص لینے اور جے آئی ٹی کی تشکیل کے حوالے سے جو موقف پہلے روز تھا وہی آج ہے۔

24 مارچ 2015ء

دہشت گردی اور کرپشن نے قائداعظم کے پاکستان کا حلیہ بگاڑ دیا: ڈاکٹر طاہرالقادری

دہشت گردی اور کرپشن نے قائداعظم کے پاکستان کا حلیہ بگاڑ دیا: ڈاکٹر طاہرالقادری

ڈاکٹر طاہرالقادری نے 23 مارچ یوم پاکستان کے موقع پر اپنے پیغام میں کہا ہے کہ دہشتگردی اور کرپشن نے قائد اعظم کے پاکستان کا حلیہ بگاڑ دیا، پاکستان جن مزدوروں، کسانوں، ہاریوں، کلرکوں اور دکانداروں کے لیے بنا وہ فاقوں سے تنگ آ کر احتجاج اور خود کشیاں کر رہے ہیں۔ ناانصافی نے غربت اور غربت نے دہشتگردی کو جنم دیا، 65 سالوں کی کوتاہیاں، نااہلی، کرپشن، بد انتظامی اور قومی قیادت کا مجرمانہ کردار ایک طرف مگر گزشتہ چند ماہ اور چند ہفتوں کی کہانیاں ایک طرف ہیں۔

23 مارچ 2015ء

واہ کینٹ (راولپنڈی): منہاج ویلفیئرفائونڈیشن کے زیراہتمام شادیوں کی اجتماعی تقریب

واہ کینٹ (راولپنڈی): منہاج ویلفیئرفائونڈیشن کے زیراہتمام شادیوں کی اجتماعی تقریب

منہاج ویلفیئر فائونڈیشن واہ کینٹ، راولپنڈی کے زیراہتمام شادیوں کی اجتماعی سالانہ تقریب منعقد ہوئی۔ جس میں 12 دلہنوں کو فی کس 175000 روپے کی مالیت کے جہیز کے ساتھ رخصت کیا گیا۔ ڈاکٹر حسن محی الدین قادری نے تقریب سے خطاب کرتے ہوئے کہا کہ منہاج ویلفیئر فائونڈیشن ڈاکٹر طاہرالقادری کی زیرسرپرستی دکھی اور سسکتی انسانیت کی فلاح و بہبود کے لئے سرکرداں ہے، کہیں نادار اور مستحق مریضوں کاعلاج کروایا جاتا ہے، کہیں بیوگان میں سلائی مشینیں تقسیم کی جاتی ہیں۔

22 مارچ 2015ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top