تحریک منہاج القرآن پاکستان کی اہم خبریں

عوامی استقبال کی تیاریاں عروج پر، ناظم اعلیٰ منہاج القرآن کی پریس کانفرنس

عوامی استقبال کی تیاریاں عروج پر، ناظم اعلیٰ منہاج القرآن کی پریس کانفرنس

ڈاکٹر رحیق احمد عباسی نے کہا کہ 23 دسمبر حقیقت میں نیا 14 اگست 1947 ہو گا اور 23 مارچ 1940 کی یاد بھی تازہ ہو جائے گی۔ ڈاکٹر محمد طاہرالقادری ریاست بچانے کیلئے جس مکمل ایجنڈے کا اعلان کریں گے وہ 19 کروڑ عوام پر مشتمل مختلف طبقات کے دل کی آواز ہو گا۔ قائداعظم رحمۃ اللہ علیہ کے پاکستان کی تشکیل کی جدوجہد کے آغاز میں صرف 4 روز باقی ہیں۔ اور ہر کان مینار پاکستان میں ابھرنے والی ڈاکٹر طاہرالقادری کی آواز کو سننے کیلئے بے تاب ہے۔

18 دسمبر 2012ء

پاکستان عوامی تحریک کے رہنماؤں کی معروف دانشور دفاعی تجزیہ کار شیریں مزاری سے ملاقات

پاکستان عوامی تحریک کے رہنماؤں کی معروف دانشور دفاعی تجزیہ کار شیریں مزاری سے ملاقات

اس موقع پر محترمہ شیریں مزاری نے کہا ہے کہ ڈاکٹر طاہرالقادری کا ایجنڈا حقیقی ریاست کے قیام کی جانب ایک اہم پیش رفت ہے۔ انہوں نے ڈاکٹر محمد طاہرالقادری کی عالمی سطح پر امن عالم کے لئے کی جانے والی خدمات کا اعتراف کرتے ہوئے کہا کہ بلاشبہ ڈاکٹر طاہرالقادری پوری امت کے لئے بہت بڑا کام کر رہے ہیں اور موجودہ وقت میں سیاست نہیں ریاست بچانے کا ایجنڈا ملک وقوم کو مسائل سے نکالنے کے لئے سنگ میل ثابت ہوگا۔

15 دسمبر 2012ء

ڈسکہ : منہاج القرآن یوتھ لیگ اور ایم ایس ایم کے زیراہتمام موٹر سائیکل ریلی

ڈسکہ : منہاج القرآن یوتھ لیگ اور ایم ایس ایم کے زیراہتمام موٹر سائیکل ریلی

منہاج القرآن یوتھ لیگ اور مصطفوی سٹوڈنٹس موومنٹ تحصیل ڈسکہ کے زیراہتمام استقبال قائد ''موٹر سائیکل ریلی'' نکالی گئی۔ ریلی کا آغاز ڈگری کالج چوک ڈسکہ سے کیا گیا جس میں 1000 ہزار موٹر سائیکل سواروں نے شرکت کی۔ ریلی میں شیخ الاسلام ڈاکٹر محمد طاہر القادری کی آمد کی خوشی میں کارکنان نے بگیاں سجائیں اور گھوڑوں کا ناچ کروایا۔ شرکاء ریلی نے ڈھول کی تھاپ پر شیخ الا سلام کے استقبال کی خوشی میں دھمال ڈالتے رہے۔

16 دسمبر 2012ء

لاہور : ایم ایس ایم سسٹرز کا احتجاجی مظاہرہ بعنوان ’امید کی کرن‘

لاہور : ایم ایس ایم سسٹرز کا احتجاجی مظاہرہ بعنوان ’امید کی کرن‘

صدر مصطفوی سٹوڈنٹس موومنٹ سسٹرز محترمہ شاکرہ چوہدری نے کہا کہ موجودہ نظام انتخاب جمہوریت نہیں بلکہ مجبوریت ہے جس کے تحت 66 برسوں سے جاگیردار، سرمایہ دار، لٹیرے اس مملکت خداداد کو لوٹ رہے ہیں۔ جنہوں نے آج تک اس قوم کو ذلت کی گہرائیوں میں دھکیل دیاہے۔ ماؤں، بہنوں، بیٹیوں کے سروں سے چادر کھینچ لی ہے۔ بیٹیوں کی زندگیاں چھین لی ہیں۔ طلبہ و طالبات کا مستقبل تباہ ہو چکا ہے۔

15 دسمبر 2012ء

پاکستان عوامی لائرز موومنٹ گوجرانوالہ کے زیراہتمام ریاست بچاؤ وکلاء سیمینار

پاکستان عوامی لائرز موومنٹ گوجرانوالہ کے زیراہتمام ریاست بچاؤ وکلاء سیمینار

پاکستان عوامی لائرز موومنٹ گوجرانوالہ کے زیراہتمام ''ریاست بچاؤ وکلاء سیمینار'' زیرصدارت لہراسب گوندل ایڈووکیٹ 15دسمبر کو جنت میرج ہال سیالکوٹ روڈ گوجرانوالہ میں منعقد ہوا۔ پروگرام کا آغاز تلاوت قرآن حکیم سے کیا گیا اور نعت رسول مقبول صلی اللہ علیہ وآلہ وسلم کا نذرانہ پیش کیا گیا۔ سیمینار میں کثیر تعداد میں وکلاء نے شرکت کی۔ شرکاء کو شیخ الاسلام ڈاکٹر محمد طاہر القادری کا پروجیکٹر کے ذریعہ 23 دسمبر کا پیغام دکھایا گیا۔ بعد ازاں ڈاکٹر محمد منیر ہاشمی نے وکلاء کو شیخ الاسلام کی زندگی کا تعارف کروایا اور لہراسب گوندل نے وکلاء سے خطاب کیا۔

15 دسمبر 2012ء

شیخ الاسلام ڈاکٹر محمد طاہرالقادری کا بی بی سی اردو کو خصوصی انٹرویو

شیخ الاسلام ڈاکٹر محمد طاہرالقادری کا بی بی سی اردو کو خصوصی انٹرویو

شیخ الاسلام ڈاکٹر محمد طاہرالقادری نے بی بی سی کو انٹرویو دیتے ہوئے کہا کہ میں ملک کے جمہوری اور سیاسی نظام کے فروغ پر مکمل یقین رکھتا ہوں۔ اور یہ غلط تاثر ہے کہ میں انتخابات کو ملتوی کروانے یا انتخابات کو ختم کروانے کے لیے پاکستان نہیں جارہا۔ میرا یہ نقطہ نظر ہے کہ انتخابات اصلاحات کے بغیر نہیں ہونے چاہیے۔ ورنہ اس ملک میں وہی کچھ ہو گا، جو انتخابی تاریخ کے پچھلے ساٹھ سال سے ہوتا چلا آرہا ہے۔

14 دسمبر 2012ء

پاکستان عوامی تحریک لاہور کے زیراہتمام نظام بدلو رکشہ ریلی

پاکستان عوامی تحریک لاہور کے زیراہتمام نظام بدلو رکشہ ریلی

شرکاء رکشہ ریلی سے خطاب کرتے ہوئے چوہدری محمد افضل گجر صدر پاکستان عوامی تحریک لاہور نے کہا کہ موجودہ انتخابی نظام عوامی مسائل حل کرنے میں ناکام ہو چکا ہے۔ اگر عوام اس عوام دشمن نظام سے چھٹکارا چاہتے ہیں تو قومی یکجہتی کا ثبوت دیتے ہوئے 23 دسمبر کو مینار پاکستان پہنچیں۔

14 دسمبر 2012ء

لاہور : پنجاب یونیورسٹی کیمپس سے مینار پاکستان تک طلبہ کی موٹر سائیکل ریلی

لاہور : پنجاب یونیورسٹی کیمپس سے مینار پاکستان تک طلبہ کی موٹر سائیکل ریلی

طلباء نے ڈاکٹر محمد طاہر القادری کے ریاست بچاؤ پیغام کا خیرمقدم کرتے ہوئے مکمل حمایت کا اعلان کیا۔ ان کا کہنا تھا کہ موجودہ نظام انتخابات پاکستان کے تمام تر مسائل کی جڑ ہے جس نے غریب سے دو وقت کی روٹی کے ساتھ طلبہ کے حقوق چھین رکھے ہیں۔ یہ نظام ہرگز طلبہ میں شعور کی آگاہی نہیں چاہتا۔

14 دسمبر 2012ء

راولپنڈی : ایم ایس ایم کے زیراہتمام پاکستان بچاؤ طلبہ ریلی

راولپنڈی : ایم ایس ایم کے زیراہتمام پاکستان بچاؤ طلبہ ریلی

ریلی کا آغاز منہاج القرآن آفس چاندنی چوک سے ہوا، اور راولپنڈی کی معروف شاہراہ مری روڑ سے ہوتی ہوئی کمیٹی چوک پر ختم ہوئی۔ ریلی کے شروع سےآخر تک مری روڑ جرات و بہادری طاہرالقادری اور نظام بدلنے کے نعروں سے گونجتا رہا ۔ طلبہ نے پاکستانی جھنڈے ہوا میں لہرائے۔ دوران ریلی سارے راستے بارش بھی جاری رہی مگر مصطفوی طلبہ موسمی حالات کو خاطر میں لائے بغیر نہایت نظم و ضبط کا مظاہرہ کرتے ہوئے ریلی میں شریک رہے۔

13 دسمبر 2012ء

منہاج القرآن یوتھ لیگ کی سینئر یوتھ کونسل کا اجلاس

منہاج القرآن یوتھ لیگ کی سینئر یوتھ کونسل کا اجلاس

منہاج القرآن یوتھ لیگ کی سینیئر یوتھ کونسل کا اجلاس 08 دسمبر 2012ء کو مرکزی سیکرٹریٹ کے کانفرنس ہال میں ہوا۔ جس کی صدارت مرکزی نائب امیر علامہ محمد صادق قریشی نے کی۔ اجلاس میں ناظم اعلی ڈاکٹر رحیق احمد عباسی، جی ایم ملک، مرکزی صدر یوتھ چوہدری بابر علی اور سینیئر نائب امیر پنجاب بشیر خان لودھی نے خصوصی شرکت کی۔ اس اجلاس میں ملک بھر سے منہاج القرآن یوتھ لیگ کے جملہ سابقہ ذمہ داران یوتھ بھی موجود تھے۔

08 دسمبر 2012ء

لاہور : منہاج القرآن یوتھ لیگ کے زیراہتمام پاکستان بچاؤبائیک موومنٹ

لاہور : منہاج القرآن یوتھ لیگ کے زیراہتمام پاکستان بچاؤبائیک موومنٹ

06 دسمبر 2012ء کو منہاج القرآن یوتھ لیگ لاہور کے زیراہتمام پاکستان بچاؤ موٹر سائیکل ریلی کا انعقاد کیا گیا، جس میں نوجوانوں کی بڑی تعداد نے شرکت کی۔ ریلی کا آغاز تحریک منہاج القرآن کے مرکزی سیکرٹریٹ سے ہوا اور بعد ازاں متعدد علاقوں کا چکر لگانے اور دعوتی مہم کو کوچہ کوچہ پھیلانے کے بعد مرکزی سیکرٹریٹ پر اختتام پذیر ہوئی۔ انہوں نے مختلف علاقہ جات میں ریلی کے دوران 23 دسمبر کو مینار پاکستان پر ہونے والے عظیم الشان سیاست نہیں ریاست بچاؤ عوامی اجتماع کی دعوت بھی دی۔

06 دسمبر 2012ء

شیخ الاسلام ڈاکٹر محمد طاہرالقادری کا نیوز ون کو انٹرویو

شیخ الاسلام ڈاکٹر محمد طاہرالقادری کا نیوز ون کو انٹرویو

شیخ الاسلام ڈاکٹر محمد طاہرالقادری نے کہا کہ اپنے انٹرویو میں کہا کہ ہمیں ایک ایسے جمہوری ماڈل کی ضرورت ہے جو پاکستان کے حالات کے مطابق ہو۔ انہوں نے کہا کہ میں 23 دسمبر کے دن پاکستان کو پاکستان دیکھنا چاہتا ہوں۔ بدقسمتی یہ ہے کہ ہمارے لوگوں نے ہوائی جہاز کے اندر کار کے پرزے فٹ کر دیئے ہیں۔ میں جمہوریت کی گاڑی کے لیے ان پرزوں کو الگ الگ کرنا چاہتا ہوں۔

10 دسمبر 2012ء

23 دسمبر 23 مارچ کی طرح تاریخ میں امر ہو جائے گا : ارشاد اقبال

23 دسمبر 23 مارچ کی طرح تاریخ میں امر ہو جائے گا : ارشاد اقبال

منہاج القرآن ویمن لیگ لاہور کی صدر ارشاد اقبال نے کہا ہے کہ تبدیلی کیلئے حوا کی بیٹیاں بھی سڑکوں پر نکل آئی ہیں اب موجودہ فرسودہ اور کرپٹ انتخابی نظام کو دفن کر کے دم لیں گے۔ 23 دسمبر کا سورج ملک میں تبدیلی کی نوید لے کر طلوع ہو گا اور 23 دسمبر 23 مارچ کی طرح تاریخ میں امر ہو جائے گا۔ یہ دن فیصلہ کر دے گا کہ پاکستانی قوم کا حقیقی لیڈر کون ہے؟ کچن کے ٹھنڈے چولہے روشن ہوں گے اور بنیادی ضروریات تعلیم، روزگار اور صحت کا حق ہر کسی کو ملے گا۔

11 دسمبر 2012ء

ضلع بارکھان : صدر ایم ایس ایم تجمل حسین انقلابی کا دورہ بلوچستان

ضلع بارکھان : صدر ایم ایس ایم تجمل حسین انقلابی کا دورہ بلوچستان

مختلف اداروں میں منعقدہ سیمینارز اور کارنر میٹنگز سے گفتگو کرتے ہوئے انہوں نے کہا کہ بلوچستان کی غیور عوام اور طلبہ پاکستان سے بے پناہ محبت کرتے ہیں، مشکل ترین حالات میں زندگی بسر کرنے کے باوجود امید لئے بیٹھے ہیں کہ ان شاء اللہ ہم اس نظام کو نیست و نابود کردیں گے، جس نے بلوچستان کو مایوسیوں اور اندھیرے کے سوا کچھ نہیں دیا۔

04 دسمبر 2012ء

23 دسمبر کو مینار پاکستان میں ملکی تاریخ کا سب سے بڑا پرامن اجتماع ہو گا : ڈاکٹر حسن محی الدین

23 دسمبر کو مینار پاکستان میں ملکی تاریخ کا سب سے بڑا پرامن اجتماع ہو گا : ڈاکٹر حسن محی الدین

تحریک منہاج القرآن کی سپریم کونسل کے صدر ڈاکٹر حسن محی الدین القادری نے کہا ہے کہ 23 دسمبر کو پورے ملک سے عوام کا سیلاب مینار پاکستان پہنچے گا جو تاریخ پاکستان کا سب سے بڑا پرامن اجتماع ہو گا۔ لاہور کے غیور عوام لاکھوں کی تعداد میں مینار پاکستان پہنچ کر عوام پاکستان کی میزبانی کا حق ادا کریں گے۔ نئے سال کا سورج ملکی استحکام اور عوامی خوشحالی کا پیغام لے کر طلوع ہو گا۔

09 دسمبر 2012ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top