حاجی محمد ارشد منہاج القرآن انٹرنیشنل بارسلونا کی مجلس شوریٰ کے صدر منتخب

تحریک منہاج القرآن کی سپریم کونسل کے صدر صاحبزادہ حسن محی الدین قادری اپنے دورہ یورپ کے دوران مورخہ 10 جون 2010ء کو سپین پہنچے جہاں پر آپ نے مختلف تقاریب میں شرکت کی اور ورکرز کنونشن میں خصوصی خطاب کیا۔ ورکرز کنونشن کے دوران مجلس شوریٰ اور مجلس عاملہ کی مشاورت کے بعد حاجی محمد ارشد کو منہاج القرآن انٹرنیشنل بارسلونا سپین کی مجلس شوریٰ کو صدر نامزد کیا گیا جس کی صدر سپریم کونسل نے باقاعدہ منظوری دی۔

حاجی محمد ارشد منہاج القرآن انٹرنیشنل کے نظام العمل کے مطابق سال 2010-2011 کے لئے مجلس شوریٰ منہاج القرآن انٹرنیشنل بارسلونا کے صدر ہوں گے۔