سوات میں منہاج ویلفیئر فاؤنڈیشن کے تحت میڈیکل کیمپ اور امدادی سامان کی ترسیل

منہاج ویلفیئر فاؤنڈیشن کے ڈائریکٹر میاں افتخار احمد کی زیر نگرانی سوات مینگورہ میں 500 خاندانوں کے متاثرین کو ایک ماہ کا راشن پیکج دیا گیا اور ڈاکٹر طارق محمود کی نگرانی میں منہاج میڈیکل کیمپ منعقد کیا گیا جس میں سیکڑوں متاثرین سیلاب کوادویات دی گئیں۔ اس موقع پر تحریک منہاج القرآن کے سینئر نائب امیر خیبر پختونخواہ ضیاء الرحمن اور سوات مینگورہ کے صدر غنی رازق و دیگر بھی موجود تھے۔ اس موقع پر سوات میں غنی رازق کی سربراہی میں 4 رکنی "فلڈ ریلیف کمیٹی" تشکیل دی گئی۔ میاں افتخار احمد کے مطابق آج چارسدہ میں 500 خاندانوں کے متاثرین کو بھی ایک ماہ کا راشن پیکج دیا جائیگا اور میڈیکل ریلیف کیمپ بھی لگایا جائیگا۔ انہوں نے کہا کہ اب تک سوات اور چارسدہ کے 1000 سے زائد متاثرین کی رجسٹریشن منہاج ویلفیئر فاؤنڈیشن کے پاس ہو چکی ہے۔ ان تمام فیملیز کو ماہانہ بنیادوں پر راشن کی ترسیل جاری رہیگی اور نوشہرہ میں 1000 افراد خیمہ بستی میں رجسٹریشن کراچکے ہیں۔