دہشت گردی اور ٹارگٹ کلنگ کی بدترین لہر نے پاکستانیوں کا دن کا چین اور رات کی نیند تک چھین لی ہے : فیض الرحمن درانی
دہشت گردی نے بیرونی سرمایہ کاری پر کاری ضرب لگائی ہے
پاکستان عوامی تحریک کے مرکزی صدر فیض الرحمن درانی کی کوئٹہ میں زائرین کی بس پر
فائرنگ کے واقعہ کی پرزور مذمت
پاکستان عوامی تحریک کے مرکزی صدر فیض الرحمن درانی نے کوئٹہ میں زائرین کی بس پر فائرنگ کے واقعہ کی شدید ترین الفاظ میں مذمت کرتے ہوئے کہا کہ دہشت گردی اور ٹارگٹ کلنگ کی بدترین لہر نے پاکستانیوں کا دن کا چین اور رات کی نیند تک چھین لی ہے۔ ملکی معیشت پہلے ہی بیساکھیوں پر چل رہی ہے، دہشت گردی نے بیرونی سرمایہ کاری پر کاری ضرب لگائی ہے جس سے بے روز گاری میں اضافہ ہورہا ہے۔
انہوں نے کہا کہ بیرونی ہاتھ کا پاکستان کے خلاف متحرک ہونا خارج از امکان نہیں اس حوالے سے ٹھوس اقدامات کرنے کی ضرروت ہے۔ انہوں نے کہا کہ حکومت دہشت گردی کے خاتمے کے لیے ٹھوس پالیسی بنائے اور اسے مصلحت کے بغیر نافذ کرکے اس ناسور کو جڑ سے اکھاڑا جائے جس نے پاکستان سے اس کی شناخت تک چھین لی ہے۔ انہوں نے جاں بحق ہونے والے افراد کی مغفرت اور زخمیوں کی جلد صحت یابی کے لیے دعا کی۔
تبصرہ