منہاج ایجو کیشن سوسائٹی کے زیراہتمام ٹیچرز ٹرنینگ سیمینار
مورخہ 19 مئی بروز جمعہ کو منہاج القرآن اسلامک سنٹر مانکیالہ مسلم میں منہاج ایجوکیشن سوسائٹی کے زیراہتمام ایک سیمینار کا اہتمام ہوا جس میں 50 سے زائد ٹیچرز نے شرکت کی۔ سیمینار میں ٹریننگ کے لئے اسلامیہ انٹرنیشنل یونیورسٹی سے ڈاکٹر پروفیسر محمد امجد آرائیں اپنی ٹیم کے ہمراہ تشریف لائے اور انہوں نے بذریعہ پروجیکٹر ٹیچرز کو Modren Edurational Method بتائے۔
اس سیمینار میں بھڑکی، گلیانہ، جبووکسی اعوان اور گوجر خان کے منہاج القرآن سنٹرز کی سکول ٹیچرز کے علاوہ پرائیویٹ سکولز سے بھی اساتذہ نے شرکت کی۔ سیمینار کی صدارت حاجی چوہدری محمد منیر (نگران اسلامک سنٹر) نے کی۔ اس موقع پر پروفیسر محمد طاہر علوی (ڈائریکٹر وپرنسپل اسلامک سنٹر) نے تمام شرکاء کا شکریہ ادا کیا۔ آخر میں اساتذہ کو اسلامک سنٹر کا وزٹ کروایا گیا اور ریفریشمنٹ دی گئی۔
رپورٹ: مس عائشہ صدیقہ
تبصرہ