نوشہرہ: پاکستان عوامی تحریک کے زیراہتمام قائد ڈے کی تقریب
پاکستان عوامی تحریک کے زیراہتمام تکبیر چوک نوشہرہ اور مردوال یونٹ میں شیخ الاسلام ڈاکٹر محمد طاہر القادری کی 63 ویں سالگرہ کے موقع پر قائد ڈے کی تقریب کا انعقاد کیا گیا جس میں کارکنان کی کثیر تعداد نے شرکت کی۔ تقریب کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ بعد ازاں کارکنان نے اپنے قائد سے ترانوں کے ساتھ عقیدت ومحبت کا اظہار کیا۔ اس موقع پر منہاج القرآن تحصیل نوشہرہ کے صدر ڈاکٹر ممتاز حسین آرائیں، پاکستان عوامی تحریک تحصیل نوشہرہ کے صدر ملک حاجی محمد ریاض اور غلام جیلانی خان بھی شریک تھے۔ تقریب کے اختتام پر کیک کاٹا گیا۔
تبصرہ