ڈاکٹر محمد طاہر القادری کی طرف سے اسلام آباد کچہری میں بم دھماکے کی شدید مذمت

پاکستان عوامی تحریک کے قائد ڈاکٹر محمد طاہر القادری نے اسلام آباد کچہری میں ہونے والی سفاکانہ کارروائی کی شدید مذمت کرتے ہوئے کہا ہے کہ دہشت گردی کے خاتمے کیلئے حکومت کی کوئی پالیسی ہی نہیں، حکومت امن و امان کے قیام میں ناکام ہو گئی ہے۔ عدم تحفظ کے شدید احساس نے عوام کا جینا اجیرن کررکھا ہے۔ دہشت گردی کے واقعات کا تسلسل وفاقی و صوبائی حکومتوں کی ناکامی کا منہ بولتا ثبوت ہے۔ مذاکرات کے نام پر بھی ڈھونگ رچایا گیا۔ انہوں نے دھماکے میں شہید ہونیوالوں کیلئے دعائے مغفرت اور زخمیوں کی جلد صحتیابی کیلئے دعا بھی کی۔