پاکستان عوامی تحریک کا 25 واں یوم تاسیس 25 مئی کو ہو گا

ڈاکٹر طاہرالقادری 300 شہروں میں ہونے والے ورکرز کنونشن سے براہ راست خطاب کریں گے
ڈاکٹر طاہرالقادری جماعت انقلاب کیلئے ملک بھر کے کارکنوں کو اہم ہدایات دیں گے

پاکستان عوامی تحریک کا 25واں یوم تاسیس 25مئی کو ہو گا۔ جس سے پاکستان عوامی تحریک کے قائد ڈاکٹر طاہرالقادری ویڈیو لنک کے ذریعے ملک بھر کے 300 شہروں میں ہونے والے ورکرز کنونشنز سے براہ راست خطاب کریں گے۔ یہ کنونشن اس لحاظ سے اہمیت کا حامل ہے کہ پورے ملک میں مجموعی طور پر کارکنوں کی بہت بڑی تعداد اس میں شرکت کرے گی بلکہ ڈاکٹر طاہرالقادری جماعت انقلاب کیلئے ملک بھر کے کارکنوں کو اہم ہدایات دیں گے جسکے ملکی سیاست پر گہرے اثرات مرتب ہوں گے۔ پاکستان عوامی تحریک کی11مئی کی احتجاجی ریلیوں میں ملک کے 60 شہروں میں جس بڑی تعداد میں عوام نے شرکت کی ہے اس نے بلا شبہ ڈاکٹر طاہرالقادری کے 23 دسمبر 2012ء کے مینار پاکستان کے جلسے کاریکارڈ بھی توڑ دیا ہے۔ محتاط اندازے کے مطابق 11 مئی کی پاکستان عوامی تحریک کی ریلیز میں 2ملین افراد نے شرکت کر کے یہ ثابت کر دیا ہے کہ ڈاکٹر طاہرالقادری ملکی سیاست میں انتہائی اہم حیثیت اختیار کر گئے ہیں۔ 25 مئی کو پاکستان عوامی تحریک کا 25واں یوم تاسیس ہے یعنی پارٹی کی سلور جوبلی ہے ا س لئے پاکستان عوامی تحریک کے قائدانقلاب کی منزل کے حصول کیلئے کارکنوں کو اہم اہداف دیں گے۔ پاکستان عوامی تحریک کے ملک بھر کے کارکنان پارٹی کا سلور جوبلی یوم تاسیس منانے کیلئے بہت زیادہ گرم جوش دکھائی دے رہے ہیں۔