پاکستان عوامی تحریک تھانوں پر سادہ لباس اہلکاروں کے ذریعے بوگس حملوں کو قبول نہیں کریگی
پاکستان عوامی تحریک نے کبھی بھی حکومتی یا پرائیویٹ املاک پر حملے نہیں کئے
پاکستان عوامی تحریک کے سیکرٹری جنرل خرم نواز گنڈا پور نے کہا کہ تھانوں پر سادہ لباس اہلکاروں کے ذریعے حملے کروا کر پاکستان عوامی تحریک اور تحریک منہاج القرآن کے ورکروں پر ڈالنے کی منصوبہ بندی کی جا رہی ہے جسے کسی صورت قبول نہیں کریں گے۔ پاکستان عوامی تحریک ایسے کسی بوگس حملے کو قبول نہیں کریگی۔ انہوں نے کہا کہ پاکستان عوامی تحریک کے کارکن ہمیشہ پر امن رہے ہیں۔ پاکستان عوامی تحریک کی تاریخ اس بات کی گواہ ہے کہ کارکنان نے کبھی بھی حکومتی یا پرائیویٹ املاک پر حملے نہیں کئے۔ انہوں نے کہا کہ پاکستان عوامی تحریک کے کارکنان نے لاشیں اٹھائیں لیکن املاک کو نقصان نہیں پہنچایا نہ ہی یہ ہمارا وطیرہ ہے۔
تبصرہ