نگران گوشہ درود علامہ محمد لطیف مدنی کی گوشہ نشینان سے تربیتی نشست

تحریک منہاج القرآن کے زیرانتظام قائم گوشہ درود میں گوشہ نشینان کے لیے تربیتی مجالس کا انعقاد کیا جا رہا ہے، اس سلسلہ میں نگران گوشہ درود علامہ محمد لطیف مدنی نے گوشہ نشینان کیساتھ تربیتی نشست میں لیکچر دیا۔ اس موقع پر انہوں نے کہا کہ تحریک منہاج القرآن بندے کا اللہ اور رسول اللہ صلی اللہ علیہ وآلہ وسلم سے تعلق مضبوط کر کے پرامن اور خوبصورت اخلاق والے معاشرہ کی بنیاد رکھ رہی ہے۔ گوشہ درود واحد جگہ ہے، جہاں بغیر وقفہ کے درود پاک روزانہ پڑھا جا رہا ہے۔ انہوں نے کہا کہ گوشہ درود میں شریک گوشہ نشینان خوش قسمت ہیں کہ وہ درود پاک کی روحانی نسبت کی پختگی کے لیے منہاج القرآن آتے ہیں، جو انسان کی اخلاقی و روحانی تربیت گاہ بن چکا ہے۔