وادی سون (نوشہرہ): منہاج ویلفیئر فاؤنڈیشن کی جانب سے راشن پیکجز کی تقسیم

کورونا وائرس کے باعث موجودہ صورت حال نے غریب، متوسط اور دیہاڑی دار طبقے کو بہت زیادہ متاثر کیا ہے، روزانہ اجرت پر کام کرنے والوں کیلئے روزی روٹی کا بندوبست کرنا مشکل ہو گیا ہے، وہ سب گھروں میں قید ہو کر رہ گئے ہیں۔ ایسی صورت حال میں ہم سب کا دینی، ملی اور اخلاقی فریضہ ہے کہ ہم حسب استطاعت ان کی مدد کریں۔

قائد تحریک منہاج القرآن شیخ الاسلام ڈاکٹر محمد طاہرالقادری کی خصوصی ہدایت پر منہاج ویلفیئر فاؤنڈیشن اور تحریک منہاج القرآن کے دیگر فورمز ملک بھر میں مستحق گھرانوں تک راشن پیکج، ماسک اور سینیٹائزر پہنچا رہے ہیں۔ منہاج ویلفیئر فاؤنڈیشن اور تحریک منہاج القرآن وادی سون کے کارکنان کی طرف سے متاثرین ( لاک ڈاؤن کرونا وائرس) میں ساڑھے تین لاکھ کی رقم سے 300 سے زائد گھرانوں میں (نقد رقوم، آٹا، چینی، گھی، چاول، دال چنا، دال مسور، نمک، صابن، چائےپتی، سرخ مرچ، پیاز, سفید چنے، ماچس) کا امدادی سامان نوشھرہ، ڈھاکہ، سبھرال، سرہال، شکرکوٹ، انگہ، اوگالی، اچھالی، مردوال، دھدھڑ، کھبیکی، مصطفیٰ آباد، صدیق آباد، مناواں، کامرہ میں مستحقین میں تقسیم کیا گیا۔