وہاڑی: منہاج ویلفیئر فاؤنڈیشن کی جانب سے راشن پیکجز کی تقسیم

کورونا وائرس کے باعث موجودہ صورت حال نے غریب، متوسط اور دیہاڑی دار طبقے کو بہت زیادہ متاثر کیا ہے، روزانہ اجرت پر کام کرنے والوں کیلئے روزی روٹی کا بندوبست کرنا مشکل ہو گیا ہے، وہ سب گھروں میں قید ہو کر رہ گئے ہیں۔ ایسی صورت حال میں ہم سب کا دینی، ملی اور اخلاقی فریضہ ہے کہ ہم حسب استطاعت ان کی مدد کریں۔

قائد تحریک منہاج القرآن شیخ الاسلام ڈاکٹر محمد طاہرالقادری کی خصوصی ہدایت پر منہاج ویلفیئر فاؤنڈیشن اور تحریک منہاج القرآن کے دیگر فورمز دنیا بھر میں مستحق گھرانوں تک راشن پیکج، ماسک اور سینیٹائزر پہنچا رہے ہیں۔ منہاج ویلفیئر فاؤنڈیشن وہاڑی کے پلیٹ فارم سے مصطفوی سٹوڈنٹس موومنٹ وہاڑی نے 100 گھرانوں کے لئے راشن پیکج کا اہتمام کیا۔ مصطفوی سٹوڈنٹس موومنٹ کے مرکزی صدر عرفان یوسف چودھری اور تحریک منہاج القرآن ضلع وہاڑی چوہدری جاوید اشرف وڑائچ کی قیادت میں کارکنان نے راشن گھروں تک پہنچایا۔ انشاءالله آئندہ جمعۃ المبارک کو 200 راشن پیک مستحقین میں تقسیم کیے جائیں گے۔