ڈاکٹر طاہرالقادری کی عمران خان اور ان کی اہلیہ کیلئے جلد صحت یابی کی دعا
وزیر اعظم عمران خان اور انکی اہلیہ کی جلد صحت یابی کیلئے دعاگو ہوں، اس وقت پوری دنیا بالخصوص پاکستان کورونا وباء کی تیسری لہر کی زد میں ہے، احتیاط ہی واحد اور موثر علاج ہے۔ اللہ تعالیٰ سے دعا ہے کہ وہ امت مسلمہ اورپوری انسانیت کو کووڈ 19 کی وباء سے نجات دے@ImranKhanPTI #Covid_19
— ڈاکٹر طاہرالقادری (@TahirulQadriUR) March 20, 2021
لاہور (20 مارچ 2021) قائد تحریک منہاج القرآن شیخ الاسلام ڈاکٹر طاہرالقادری نے وزیراعظم عمران خان اور ان کی اہلیہ کی جلد صحت یابی کیلئے دعا کی ہے۔ انہوں نے اپنے پیغام میں کہا کہ اس وقت پوری دنیا بالخصوص پاکستان کورونا کی تیسری لہر کی زد میں ہے، احتیاط ہی واحد اور مؤثر حل ہے۔ عوام کورونا وائرس سے بچاؤ کیلئے ہر ممکن احتیاط کریں۔ غیر ضروری گھروں سے نہ نکلیں اور ایس او پیز پر عملدرآمد کے حوالے سے تعاون کریں۔ انہوں نے کہا کہ اللہ رب العزت سے دعا ہے کہ وہ امت مسلمہ اور پوری انسانیت کو اس وباء سے نجات دے۔
تبصرہ