تحریک منہاج القرآن کراچی کے زیراہتمام حضور قدوۃ الاولیاءؒ کی صاحبزادی بی بی جان مرحومہ کے ایصال ثواب کیلئے دعائیہ تقریب کا انعقاد
جامع مسجد رحمانیہ طارق روڈ کراچی میں تحریک منہاج القرآن کراچی کے زیراہتمام تحریک منہاج القرآن کے روحانی سرپرست حضور قدوۃ الاولیاء سیدنا طاہر علاؤ الدین القادری الگیلانی البغدادی رضی اللہ عنہ کی صاحبزادی بی بی جان مرحومہ کے ایصال ثواب کے لیے خصوصی دعائیہ تقریب کا انعقاد کیا گیا۔
تحریک منہاج القرآن کراچی کے جملہ ذمہ داران، وابستگان اورعقیدت مندوں نے حضور قدوۃ الاولیاء سیدنا طاہر علاؤ الدین القادری الگیلانی البغدادیؒ کی صاحبزادی کے اِنتقال پر گہرے دکھ اور تعزیت کا اظہار کیا اور ان کے لیے بلندی درجات کی دعا کی۔
اللہ رب العزت حضور قدوۃ الاولیاءؒ کی شہزادی کو سیدۂ کائنات سلام اللہ علیہا کی چادرِ تطہیر کے سائے میں رکھے اور اَرفع و اعلیٰ درجات سے نوازے اور خانوادۂ غوث الوریٰ کو صبر جمیل عطا فرمائے۔ (آمین)
تبصرہ