منہاج القرآن انٹرنیشنل کی سنٹرل ایگزیکٹو کونسل کا اجلاس
منہاج القرآن انٹرنیشنل کی سنٹرل ایگزیکٹو کونسل کا اجلاس چیئرمین سپریم کونسل ڈاکٹر حسن محی الدین قادری کی زیر صدارت منعقد ہوا۔ اجلاس میں تمام زونز کی تنظیمات کے نائب ناظمین اعلیٰ، فورمز کے صدور نے اپنے اپنے زونز اور فورمز کی رپورٹ پیش کی۔ جس پر چیئرمین سپریم کونسل نے اطمینان اور مسرت کا اظہار کیا۔ سنٹرل ایگزیکٹو کونسل کے اجلاس میں فہم دین پراجیکٹ کے اہداف اور سوشل میڈیا ورکنگ کونسل کی طرف سے سوشل میڈیا ایکٹوسٹس کی ٹریننگ کا ایک پلان پیش کیا گیا جس کی ہاؤس نے منظوری دی۔ سنٹرل ایگزیکٹو کونسل کے اجلاس میں گوشۂ درود کی موبائل ایپلی کیشن کے حوالے سے شارٹ ڈاکومنٹری دکھائی گئی۔ اجلاس میں قائد ڈے کی تقریبات اور مجلات کو آن لائن کرنے کے حوالے سے بھی مشاورت کی گئی۔ اس حوالے سے ممبران سی ای سی اپنی تجاویز ارسال کریں گے۔
سنٹرل ایگزیکٹو کونسل کے اجلاس میں چیئرمین سپریم کونسل ڈاکٹر حسن محی الدین قادری نے اظہار خیال کرتے ہوئے کہا کہ اللہ نے چاہا تو اس بار شہر اعتکاف سجے گا، اس ضمن میں شرکت کے خواہشمند لوگ ویکسنیشن ضرور کروا لیں، تمام ایس او پیز کو مدنظر رکھتے ہوئے شہر اعتکاف سجانے کی کوشش کریں گے۔ چیئرمین سپریم کونسل نے عرفان القرآن کورس کے کامیاب انعقاد پر حافظ سعید رضا بغدادی کو مبارکباد دی۔
سنٹرل ایگزیکٹو کونسل کے اجلاس میں نائب صدر بریگیڈئر (ر) اقبال احمد خان، ناظم اعلیٰ خرم نواز گنڈاپور، ڈاکٹر محمد رفیق نجم، علامہ رانا محمد ادریس، نور اللہ صدیقی، جی ایم ملک، فرح ناز، سدرہ کرامت، عبد الحیٔ علوی، جاوید ہزاروی، مرزا جنید علی، عرفان یوسف، مظہر علوی، میر آصف اکبر، عارف چودھری، غلام مرتضیٰ علوی، عبدالستار منہاجین، نصیر احم جدون، محمد علی، آغا جواد حسنین، رانا نفیس حسین قادری اور شہزاد اکبر نے گفتگو کی۔
تبصرہ