پاکستان جرمن ایوریئنس اینی شیٹیو فورم کا ڈاکٹر حسن محی الدین قادری کے اعزاز میں عشائیہ

منہاج القرآن انٹرنیشنل جرمنی کے تعاون سے پاکستان جرمن ایوریئنس اینی شیٹیو فورم کے زیراہتمام ڈاکٹر حسن محی الدین قادری کے اعزاز میں ایک ملاقاتی عشائیہ کا انعقاد کیا گیا، جس میں جرمنی میں مقیم پاکستانی کمیونٹی کے مختلف ماہرین نے شرکت کی۔ اس موقع پر چئیرمین سپریم کونسل منہاج القرآن انٹرنیشنل ڈاکٹر حسن محی الدین قادری نے جرمنی میں موجود نوجوان نسل میں مذہبی شعور کے حوالے سے گفتگو کی۔

نشست میں اس بات پر اتفاق کیا گیا کہ جرمنی میں مختلف مذاہب کے درمیان مذہبی رواداری، بین المذاہب امور اہم اہنگی کے تبادلہ اور باہمی احترام مذہب کے شعور کو مزید فروغ دینا ہم سب کی اجتماعی ذمہ داری ہے۔ شرکاء نے اس بات پر اتفاق کیا کہ ہم سب کو ایک دوسرے کے مذاہب کو کھلے دل سے تسلیم کرتے ہوئے کرنا ہو گا۔ اس موقع پر ڈاکٹر حسن محی الدین قادری نے ریاست مدینہ کے قیام اور وہاں مختلف مذاہب کی بین المذاہب آزادی کے حوالے سے بھی شرکاء کو بریفنگ دی، جسے بہت سراہا گیا۔