منہاج القرآن انٹرنیشنل سویڈن کے صدر سید محمود شاہ الازھری کی والدہ محترمہ کیلئے دعائیہ تقریب

منہاج القرآن انٹرنیشنل سویڈن کے صدر سید محمود شاہ الازھری کی والدہ محترمہ کے ایصال ثواب کیلئےمرکزی سیکرٹریٹ دعائیہ تقریب کا انعقاد کیا گیا، جس میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری اور صدر منہاج القرآن انٹرنیشنل ڈاکٹر حسین محی الدین قادری نے کی شرکت کی۔

دعائیہ تقریب کا آغاز تلاوت قرآن پاک سے ہوا اور ظہیر بلالی برادران نے بارگاہِ رسالت مآب میں ہدیہ عقیدت پیش کیا، اس موقع پر ڈاکٹر حسن محی الدین قادری نے ’’والدین کی عظمت و شان‘‘ کے حوالے سے گفتگو کی۔ آخر میں ڈاکٹر حسین محی الدین قادری نے مرحومہ کے لیے بلندی درجات کی دعا کی۔

تقریب میں ناظم اعلیٰ خرم نواز گنڈاپور، برگیڈیر ریٹائرڈ اقبال احمد خان، جی ایم ملک، راجہ زاہد محمود، ڈاکٹر ممتاز الحسن باروی، حاجی امداد اللہ قادری، نوراللہ صدیقی و دیگر قائدین، سید محمود شاہ الازھری کے فیملی ممبران، مرکزی سیکرٹریٹ کے مختلف شعبہ جات کے ڈائریکٹرز، جملہ سٹاف ممبران اور مرد خواتین نے بڑی تعداد میں شرکت کی۔