ڈاکٹر فرید الدین قادریؒ کے 49 ویں عرس کی تقریب 18 مئی کو ہو گی
دعائیہ تقریب سے شیخ الاسلام ڈاکٹر محمد طاہرالقادری خصوصی خطاب کریں گے
لاہور (17 مئی 2022) تحریک منہاج القرآن کے بانی و سرپرست شیخ الاسلام ڈاکٹر محمد طاہرالقادری کے والد گرامی، تحریک پاکستان کے فعال و عظیم رہنماء اور معروف عالم دین فرید ملت ڈاکٹر فرید الدین قادریؒ کے سالانہ عرس مبارک کی تقریب اور حفاظ و حافظات کی تقریب تقسیم اسناد 18 مئی کو دربار عالیہ جھنگ میں منعقد ہو گی۔
دعائیہ تقریب سے شیخ الاسلام ڈاکٹر محمد طاہرالقادری خصوصی خطاب کریں گے۔ تقریب کی صدارت ایڈمنسٹریٹر دربار فرید ملت محمد صبغت اللہ قادری کریں گے۔ علامہ حافظ عبدالقدیر قادری، معروف نقیب صاحبزادہ تسلیم احمد صابری، صفدر علی محسن خصوصی شرکت کریں گے۔ عالمی شہرت یافتہ قاری نور احمد چشتی تلاوت کلام مجید کی سعادت حاصل کریں گے۔ معروف نعت خوان شہباز قمر فریدی، محمد افضل نوشاہی، محمد شکیل طاہر، شہزاد برادران بارگاہ رسالت ماب ﷺ میں گلہائے عقیدت پیش کریں گے۔
تبصرہ