ڈاکٹر حسین محی الدین قادری سے میاں صبیح الرحمان اور ڈاکٹر قمر چیمہ کی ملاقات

صدر منہاج القرآن انٹرنیشنل پروفیسر ڈاکٹر حسین محی الدین قادری سے معروف کاروباری شخصیت میاں صبیح الرحمان اور نمل یونیورسٹی کے شعبہ انٹر نیشنل افئیرز کے سابق سربراہ ڈاکٹر قمر چیمہ نے القادریہ ماڈل ٹاون لاہور میں ملاقات کی۔

وفد نے صدر منہاج القرآن انٹرنیشنل سے ملاقات سے قبل منہاج یو نیورسٹی لاہور اور منہاج القرآن انٹرنیشنل کے مرکزی سیکرٹریٹ کے مختلف شعبہ جات کا وزٹ بھی کیا۔ مہمانوں نے اپنے خیالات کا اظہار کرتے ہوئے کہا کہ دنیا بھر میں دہشت گردانہ حملوں کے بعد عالمِ مغرب میں مسلمانوں کے لئے حالات زندگی بہت مشکل ہو گئے تھے ان حالات میں شیخ الاسلام ڈاکٹر محمد طاہرالقادری نے دہشت گردی کے خلاف فتویٰ دے کر ثابت کیا کہ اسلام انسانیت کا محافظ دین ہے اس کا انتہا پسندی سے کوئی تعلق نہیں ہے۔ شیخ الاسلام ڈاکٹر محمد طاہرالقادری کے اس فتویٰ سے مغربی دنیا میں رہنے والے مسلمان خاندانوں کو حوصلہ ملا، صرف یہی نہیں شیخ الاسلام ڈاکٹر محمد طاہرالقادری نے نوجوانوں کی تعلیم و تربیت کے لیے منہاج یونیورسٹی لاہور سمیت سینکڑوں ادارے بنائے جہاں قوم کے لاکھوں بچے زیور تعلیم سے آراستہ ہو رہے ہیں۔ یہ دیکھ کر انتہائی خوشی ہوئی کہ منہاج یونیورسٹی میں بچوں کو نہ صرف تعلیم دی جارہی ہے بلکہ ان کی تربیت کا بھی بھرپور اہتمام کیا جاتا ہے۔

اس موقع پر صدر منہاج القرآن انٹرنیشنل نے حضور شیخ الاسلام ڈاکٹر محمد طاہرالقادری کا شہرۂ آفاق ترجمہ عرفان القرآن اور اپنی کُتب بطور دیں۔

ملاقات میں راجہ زاہد محمود قادری، شہباز احمد بٹ، فیض طاہر، محمد اظہر شفیق، سید عظمت علی شاہ، نعیم چیمہ اور قاضی فیض الاسلام بھی موجود تھے۔