شیخ الاسلام ڈاکٹر محمد طاہرالقادری کا حاجی محمد منشاء جمال کی والدہ محترمہ کے وصال پر اظہار تعزیت
شیخ الاسلام ڈاکٹر طاہرالقادری نے تحریک منہاج القرآن ضلع لیہ کے سرپرست اور دیرینہ رفیق حاجی محمد منشاء جمال کی والدہ ماجدہ کے وصال پر مرحومہ کے پسماندگان سے گہرے دکھ اور افسوس کا اظہار کیا ہے اور ان سے تعزیت کی ہے۔ اپنے تعزیتی پیغام میں شیخ الاسلام ڈاکٹر محمد طاہرالقدری نے مرحومہ کی بخشش و مغفرت اور بلندئ درجات کی دعا کی۔ انہوں نے کہا کہ اللہ رب العزت مرحومہ کیلئے قبر و حشر کے مراحل آسان فرمائے اور انہیں حضور شافع محشر ﷺ کی شفاعت سے بہرہ ور فرمائے۔
علاوہ ازیں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری، صدر منہاج القرآن انٹرنیشنل ڈاکٹر حسین محی الدین قادری، تحریک منہاج القرآن کے ناظمِ اعلیٰ خرم نواز گنڈاپور، نائب ناظم اعلیٰ انجینئر محمد رفیق نجم و دیگر مرکزی قائدینِ تحریک منہاج القرآن اور وابستگان نے بھی حاجی منشاء سے اظہارِ تعزیت کیا ہے۔ مرحومہ کی نمازِ جنازہ ان کے آبائی شہر چوک اعظم، لیہ میں ادا کی گئی۔
تبصرہ