منہاج انٹرنیٹ بیورو میں ڈاکٹر محمد فاروق رانا اور ڈاکٹر اجمل علی مجددی کے اعزاز میں تقریب

فریدِ ملت ریسرچ انسٹیٹیوٹ کے ڈائریکٹر الحاج ڈاکٹر محمد فاروق رانا اور اسسٹنٹ ڈائریکٹر ڈاکٹر اجمل علی مجددی نے حال ہی میں یونیورسٹی آف لاہور سے علوم اسلامیہ میں پی ایچ ڈی کی ڈگری مکمل کی ہے۔ اس کامیابی پر ان کی تحسین کیلئے منہاج انٹرنیٹ بیورو میں 27 اپریل 2024 کو تقریب کا انعقاد کیا گیا جس میں ڈاکٹر صاحبان کو مبارکباد پیش کی گئی اور ان کی مزید کامیابیوں کیلئے نیک خواہشات کا اظہار کیا گیا۔

اس موقع پر ڈائریکٹر منہاج انٹرنیٹ بیورو عبدالستار منہاجین کا کہنا تھا کہ حضور شیخ الاسلام پروفیسر ڈاکٹر محمد طاہرالقادری مدظلہ العالی ڈاکٹر محمد فاروق رانا کو مشن کا قیمتی و قابل فخر سرمایہ اور ریسرچ انسٹی ٹیوٹ کی بہار قرار دیتے ہیں۔ ان کی پی ایچ ڈی کا شیخ الاسلام کو بھی ہمیشہ انتظار رہتا تھا، الحمدللہ تعالیٰ ان کی یہ دیرینہ خواہش پوری ہوئی۔ انہوں نے ڈاکٹر محمد فاروق رانا اور ڈاکٹر اجمل علی مجددی کی منہاج انٹرنیٹ بیورو میں تشریف آوری پر ان کا شکریہ ادا کیا۔

تقریب میں منہاج آئی ٹی ڈیپارٹمنٹ کے مینیجر محمد ثناء اللہ اور منہاج انٹرنیٹ بیورو کے جملہ سٹاف نے شرکت کی۔