صدر منہاج ایشین کونسل میاں علی عمران کی وفد سمیت سفیرِ پاکستان محترم رضا بشیر تارڈ سے ملاقات

صدر منہاج ایشین کونسل میاں علی عمران اور صدر منہاج القران جاپان ملک ممتاز احمد نے منہاج القران جاپان کے وفد سمیت مورخہ 5 جولائی 2024 بروز جمعہ کو پاکستان ایمبیسی میں سفیرِ پاکستان محترم رضا بشیر تارڈ سےملاقات کی۔

ملاقات میں جاپان میں پاکستانی کمیونٹی کے مستقبل کے حوالے سے ایک پُر مغز دلچسپ اور سیر حاصل گفتگو ہوئی، صدر منہاج ایشین کونسل میاں علی عمران نے سفیرِ پاکستان کی پاکستان کی ترقی کے لئے ان کی کوششوں ان کی روشن خیالی اور کمیونٹی کے لئے نیک جذبات پر انہیں خراجِ تحسین پیش کیا۔ اس ملاقات میں علی عمران صاحب کی طرف سے سفیرِ پاکستان کو شیخ الاسلام ڈاکٹر محمد طاہر القادری کی شہرہ آفاق تصنیفات Fatwa Against Terrorism اور The Real Sketch of Prophet Muhammad (PBUH) تحفے میں پیش کیں۔

اس ملاقاتی وفد میں جاوید خان، ثاقب الرحمن ، میاں حسن عمران ، فہیم بار اور ملک شھزاد بھی موجود تھے۔