شیخ الاسلام ڈاکٹر طاہرالقادری جاپان پہنچ گئے

یکم ستمبر کو سیرت النبیؐ کانفرنس سے خطاب کریں گے، ٹوکیو ایئرپورٹ پر پرتپاک استقبال
جاپان میں آباد تمام مکتب فکر کے افراد سول سوسائٹی کو شرکت کی دعوت دی گئی ہے

لاہور(31 اگست 2024ء)تحریک منہاج القرآن کے بانی و سرپرست شیخ لاسلام ڈاکٹر محمد طاہر القادری جاپان پہنچ گئے ہیں۔ ٹوکیوایئرپورٹ پر منہاج القرآن انٹرنیشنل جاپان کے راہنماؤں و کارکنان نے ان کا پرتپاک استقبال کیا۔ ڈاکٹر طاہرالقادری یکم ستمبر 2024ء کو جاپان کے شہر گما میں سیرت النبیؐ کانفرنس سے خطاب کریں گے۔

چیئرمین سپریم کونسل ڈاکٹر حسن محی الدین قادری، پروفیسر ڈاکٹر حسین محی الدین قادری، شیخ حماد مصطفی القادری بھی شیخ الاسلام کے ہمراہ ہیں۔ شیخ الاسلام ڈاکٹر طاہرالقادری نے 20جولائی کو میلبورن، 26 جولائی کو برسبین، 4 اگست کو سڈنی، 11 اگست کو ملائیشیا، 18 اگست کو ہانگ کانگ، 25 اگست کو ساؤتھ کوریا میں سیرت النبی ؐ کانفرنسز سے خطاب کیا۔اب یکم ستمبر کو جاپان میں عظیم الشان کانفرنس سے خطاب کریں گے۔