بحالی متاثرین کی امداد کے لیے اپیل

شیخ الاسلام ڈاکٹر محمد طاہرالقادری کی خصوصی ہدایات کی روشنی میں منہاج ویلفیئر فاؤنڈیشن نے مہاجرین سوات کے لیے ہنگامی طور پر امدادی فنڈ قائم کر دیا ہے۔ متاثرین کی بحالی کے لیے منہاج ویلفیئر فاؤنڈیشن نے مختلف مقامات پر بحالی کیمپ بھی لگائے ہیں۔ اس سلسلہ میں سوات کے مہاجر متاثر خاندانوں کی مدد کے لیے منہاج ویلفیئر فاؤنڈیشن نے اندرون ملک کے علاوہ بیرون ممالک بھی فنڈ قائم کیے ہیں۔ دنیا بھر میں موجود تحریک منہاج القرآن کے کارکنان، عوام اور ہر درد مند انسان سے اپیل ہے کہ وہ اس کار خیر میں بھر پور حصہ لیں۔ متاثرین کی بحالی کے لیے نقدی، آٹا، چاول، چینی، کوکنگ آئل، چائے اور کھانے پینے کی دیگر اشیاء کے علاوہ روز مرہ ضرورت کی اشیاء بھی بطور عطیہ جمع کرائی جا سکتی ہے۔