منہاج القرآن انٹرنیشنل کارپی کے زیراہتمام افطار پارٹی

رمضان المبارک کی آمد کے ساتھ ہی منہاج القرآن کے مرکزی سیکرٹریٹ سمیت دنیا بھر میں قائم اسلامک سنٹرز میں محافل اور تقاریب کا سلسلہ شروع ہو جاتا ہے اور رفقاء و اراکین کیلئے پرتکلف افطاریوں کا بھی اہتمام کیا جاتا ہے۔ منہاج القرآن انٹرنیشنل کارپی (اٹلی) کے مرکز پر گذشتہ برس کی طرح اس سال بھی اجتماعی افطاری کا اہتمام 29 اگست بروز ہفتہ کو کیا گیا جس میں کارپی اور قریبی شہروں کے لوگوں کو دعوت دی گئی۔ افطاری میں لوگوں کی ایک کثیر تعداد نے شرکت کی۔ اس افطاری کیلئے خصوصی تعاون ساجد اقبال نے کیا۔ مزید احباب اگر افطاری کیلئے سپانسر کرنا چاہتے ہیں تو حافظ عبدالمناف، علامہ غلام مصطفیٰ مشہدی اور شعبان حبیب الرحمان سے رابطہ کرسکتے ہیں۔

رپورٹ: سمیع اللہ وڑائچ (ناظم نشرواشاعت اٹلی)
مرتب: میاں اشتیاق (سیکرٹری امورخارجہ)