سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن یوتھ لیگ ابیٹ آباد کے زیراہتمام مورخہ 20 اپریل 2016ء کو ضرب امن ٹریننگ ورکشاپ کا انعقاد ہوا، جس میں منہاج القرآن یوتھ لیگ کے مرکزی صدر مظہر محمود علوی نے شرکت کی اور شیخ الاسلام ڈاکٹر محمد طاہرالقادری کے مرتب کردہ ’اسلامی نصاب برائے فروغ امن و انسداد دہشت گردی‘ کا تعارفی لیکچر دیا۔ اپنے لیکچر میں مظہر محمود علوی نے نوجوانوں کو مخاطب کرتے ہوئے کہا کہ آپ معاشرے میں امن کے پیغامبر بنیں تاکہ آنے والی نسلوں کو شدت پسندی سے پاک ماحول دیا جاسکے۔
مورخہ 19 اپریل 2016ء کو مانسہرہ میں ضرب امن ٹریننگ ورکشاپ منعقد ہوئی، جس میں منہاج القرآن یوتھ لیگ کے مرکزی صدر مظہر محمود علوی نے لیکچر دیا اور شرکاء کو نصاب امن سے متعلق پریزینٹیشن دی۔ انہوں نے نوجوانوں سے مخاطب ہوتے ہوئے کہا کہ آپ امن کا پیغام لیکر ہر فرد کے پاس جائیں تاکہ معاشرے سے انتہاپسندی کا خاتمہ ہو سکے۔ انہوں نے منہاج القرآن یوتھ لیگ ھریپور کے انتظامات کر سراہتے ہوئے ورکشاپ کے انعقاد پر انہیں مبارکباد پیش کی۔
پیرس (اے کے راؤ) منہاج القرآن انٹرنیشنل فرانس نے فرانسیسی زبان میں دہشت گردی، خودکش حملوں اور فتنہ خوارج کے خلاف شیخ الاسلام ڈاکٹر محمد طاہرالقادری کے مشہورِ عالم مبسوط تاریخی فتویٰ کی اشاعت کا اہتمام کیا ہے۔ "Fatwa sur le terrorisme et les attentats suicides" کے عنوان سے شائع ہونے والا فتویٰ 634 صفحات پر مشتمل ہے۔ فتویٰ اگلے ماہ پیرس کے مضافاتی علاقے لابرجے میں ہونے والی اسلامی کتب کی سب سے بڑی نمائش میں پیش کیا جائے گا۔
منہاج القرآن یوتھ لیگ کی مرکزی ٹریننگ کونسل نے 18 اپریل 2016 کو ’ٹریننگ آف ٹرینرز‘ کیمپ کا اہتمام کیا، جس میں منہاج القرآن یوتھ لیگ کے مرکزی صدر مظہر محمود علوی سمیت منہاج القرآن یوتھ لیگ کے مرکزی عہدیداران شریک تھے۔ ٹیوٹرز کی ٹریننگ کے لیے منعقد کی گئی یہ پہلی ورکشاپ تھی جس کا مقصد ’ضرب امن مہم‘ کے لیکچررز کو جدید طریق تدریس سے روشناس کروانا تھا۔
تحریک منہاج القرآن پتوکی کے زیرانتظام ماہانہ درس عرفان القرآن کا اہتمام انمول شادی ہال میں منعقد کیا گیا جس میں تحریک منہاج القرآن کے کارکنان سمیت شہر بھر سے کثیر تعداد میں مردوخواتین نے شرکت کی۔ پروگرام کی صدارت پیر سیّد آصف اقبال گیلانی نے کی۔ درس عرفان القرآن کی تقریب سے تحریک منہاج القرآن کے نائب ناظم اعلیٰ دعوت علامہ غضنفر حسنین تونسوی نے خطاب کیا۔
منہاج القرآن انٹرنیشنل امریکہ کے زیراہتمام منہاج القرآن ایجوکیشنل اینڈ کلچرل سینٹر نیوجرسی میں 17 اپریل 2016 کو یوتھ ورکشاپ کا انعقاد ’’خاندان کے باہمی حقوق و فرائض‘‘ کے عنوان سے کیا گیا۔ ورکشاپ کے مہمانِ خصوصی الشیخ عبدالباسط الازہری تھے۔ پروگرام کا آغاز تلاوت قرآن سے کیا گیا جس کی سعادت علامہ محمد شریف کمالوی نے حاصل کی۔
مرکزی نائب ناظمِ اعلیٰ تنظیمات تحریک منہاج القرآن انجینئر محمد رفیق نجم نے تحریک منہاج القرآن سینٹرل پنجاب کے وفد اور تحریک منہاج القرآن ضلع گجرات کے عہدیداران کے ہمراہ 16 سے 17 مارچ 2016 کو ضلع گجرات کا دو روزہ تنظیمی دورہ کیا۔ چوہدری ریاست علی چدھڑ، بابر چوہدری، چوہدری محمد اکرم، مرزا طارق بیگ، راجہ عبدالوحید، رضوان ظفر ساہی، سید ہارون بخاری، میاں ندیم القادری اور سید تقویم احسن ان کے ہمراہ تھے۔
منہاج القرآن انٹرنیشنل امریکہ کے زیراہتمام مسجد باب خدیجہ میں ’’مغربی معاشرت میں نوجوانوں کا کردار‘‘ کے موضوع پر مورخہ 16 اپریل 2016 کو یوتھ ورکشاپ کا انعقاد کیا گیا، جس کے مہمانِ خصوصی الشیخ عبدالباسط الازہری تھے۔ ورکشاپ کے پہلے حصے میں علامہ محمد شریف کمالوی نے قرآن کی فضیلت کے موضوع پر مدلل خطاب کیا اور منہاج القرآن کا پیغام دیا۔
منہاج القرآن انٹرنیشنل ورجینیا امریکہ کے نائب صدر اورنگ زیب مورخہ 21 جنوری 2016 کو ورجینیا امریکہ میں انتقال کر گئے، انا للہ وانا الیہ راجعون۔ اورنگ زیب کی نماز جنازہ منہاج القرآن ورجینیا میں ادا کی گئی، جس میں منہاج القرآن کے جملہ عہدیداران، کارکنان اور پاکستانی کمیونٹی نے کثیر تعداد میں شرکت کی۔ مرحوم ان چند افراد میں سے ہیں جنہوں نے امریکہ میں مختلف مساجد تعمیر کی اور ان میں درودوسلام لکھوایا۔
پاکستان عوامی تحریک ملتان کے زیراہتمام پانامہ لیکس رپورٹ میں حکمران خاندان کی میگا کرپشن کے خلاف احتجاجی مظاہرہ ’’نوازشریف استعفیٰ دو‘‘ کا انعقاد مورخہ 15 اپریل 2016 ء کیا گیا، جس کی قیادت صوبائی صدر پاکستان عوامی تحریک چودھری فیاض احمد وڑائچ نے کی جبکہ صوبائی سینئر نائب صدر ڈاکٹر زبیر اے خان، آرگنائزر جنوبی پنجاب چوہدری قمر عباس دھول، میڈیا کوارڈینیٹر راؤ محمد عارف رضوی، ڈپٹی سیکرٹری جنرل راؤ وقاراحمد، ضلعی رہنما یاسر ارشاد، میجر محمد اقبال چغتائی، ممتاز نون، ادریس انصاری، چوہدری جاوید بندیشہ، مہر فدا حسین، چوہدری محمد اکرم گجر اور راؤ عظمت علی سمیت پاکستان عوامی تحریک کے کارکنان نے شرکت کی۔
تحریک منہاج القرآن کے مرکزی نائب ناظم اعلیٰ انجینئر رفیق نجم نے فیصل آباد کا دورہ کیا جہاں انہوں نے تحریک منہاج القرآن کے کارکنان سے ملاقات کی۔ ان سے ملاقات کرنے والوں میں تحریک منہاج القرآن ضلع فیصل آباد کے ناظم رانا رب نواز انجم، غلام محمدقادری، میاں امجدقادری، خالدرفیق ایڈووکیٹ، جعفرحسین گجر، بوٹا گجر، اعجاز احمد ترہانہ، میاں ذوالفقار اور صدیق قادری شامل تھے۔
تحریک منہاج القرآن شاہ رکن عالم ٹاؤن کے زیرِاہتمام کوٹ عباس شہید میں 13 اپریل 2016ء کو تربیتی کنونشن کا انعقاد کیا گیا، جس میں تحریک منہاج القرآن کے مرکزی نائب ناظم اعلیٰ تنظیمات سردار شاکر مزاری، صوبائی میڈیا کوآرڈینیٹر راؤ محمد عارف رضوی، تحریک منہاج القرآن ضلع ملتان کے ناظم ممتاز نون، صدر شاہ رکن عالم ٹاؤن راؤ عظمت علی اور حافظ غلام محی الدین سمیت تحریک منہاج القرآن شاہ رکنِ عالم ٹاؤن کے کارکنان شریک تھے۔
مورخہ 11 اپریل 2016ء تحریک منہاج القرآن فیصل آباد کے زیراہتمام ضرب علم سیمینار کا انعقاد کیا گیا جس میں خصوصی شرکت تحریک منہاج القرآن کے مرکزی نائب ناظم اعلیٰ انجینئر محمد رفیق نجم نے کی۔ اس موقع پر انجینئر محمد رفیق نجم نے کہا کہ اسلامی معاشرہ عدل و انصاف، برداشت اور انسانی حقوق کے احترام کے بغیر قائم نہیں ہو سکتا، کرپشن، معاشی استحصال، قتل و غارت گری، ناانصافی اور انتہا پسندی کافرانہ نظام کی پہچان ہیں۔
تحریک منہاج القرآن ممتاز آباد ٹاؤن کے زیراہتمام مورخہ 11 اپریل 2016ء کو رحمۃ للعالمین کانفرنس کا انعقاد کیا گیا جس میں خصوصی شرکت تحریک منہاج القرآن کے مرکزی نائب ناظم اعلیٰ دعوت مفتی ارشاد حسین سعیدی نے کی۔ اس موقع پر انہوں نے کہا ہے کہ دہشت گردی کی جڑیں بہت مضبوط ہوچکی ہیں، ان کے پیچھے ایک فکری تاریخ ہے جس کا جاننا بہت ضروری ہے۔
ڈاکٹر حسن محی الدین قادری نے ورکرز کنونشن کے شرکاء سے صدارتی خطاب کرتے ہوئے عظیم الشان ورکر کنونشن کے انعقاد پر منہاج القرآن انٹرنیشنل اوسلو ناروے کو مبارکباد پیش کی اور منہاج القرآن انٹرنیشنل ناروے کے جملہ فورمز کی کارکردگی کو سراہا۔ ڈاکٹر حسن محی الدین قادری نے ’محبت و موددت اور اطاعت‘ کے عنوان سے خطاب کیا۔ ان کا کہنا تھا کہ محبت تقاضاکرتی ہے کہ کبھی بھی محبوب کا در نہ چھوڑا جائے اور جو محبوب کہے اس کو مان لیا جائے۔
4M
فیس بک
2M
ٹوٹر
© 1994 - 2026 Minhaj-ul-Quran International.
