تحریک منہاج القرآن پاکستان کی اہم خبریں

مسلم کانفرنس کے سربراہ سردار عتیق کی سربراہ عوامی تحریک سے ملاقات، ڈیڈ لائن اور استعفوں کے مطالبات کی حمایت

مسلم کانفرنس کے سربراہ سردار عتیق کی سربراہ عوامی تحریک سے ملاقات، ڈیڈ لائن اور استعفوں کے مطالبات کی حمایت

ڈاکٹر محمد طاہرالقادری نے مسلم کانفرنس کے سربراہ سردار عتیق احمد کے ہمراہ عوامی تحریک کے مرکزی سیکرٹریٹ میں پریس کانفرنس سے خطاب کرتے ہوئے کہا کہ نواز شریف اپنی تحریک عدل چلانے کی تاریخ دیں اسی دن ماڈل ٹاؤن کے قتل عام پر ان کے خلاف قصاص قتل کی تحریک شروع کرینگے، وثوق سے کہہ رہا ہوں اشرافیہ کا خاتمہ یقینی ہے، میرا اندازہ ہے کہ یہ مارچ میں داخل ہوتے نظر نہیں آرہے، 31 دسمبر کی ڈیڈ لائن حتمی ہے، سیاسی جماعتوں کے قائدین سے مشاورت جاری ہے۔

20 دسمبر 2017ء

’’سانحہ ماڈل ٹاون کے ذمہ داران 31 دسمبر تک عہدے چھوڑ دیں‘‘ ڈاکٹر طاہرالقادری کا تاجر برادری و سول سوسائٹی کے کنونشن سے خطاب

’’سانحہ ماڈل ٹاون کے ذمہ داران 31 دسمبر تک عہدے چھوڑ دیں‘‘ ڈاکٹر طاہرالقادری کا تاجر برادری و سول سوسائٹی کے کنونشن سے خطاب

پاکستان عوامی تحریک کے قائد ڈاکٹر محمد طاہرالقادری سے گلگت بلتستان کے سابق وزیراعلیٰ سید مہدی شاہ اور جمعیت علمائے پاکستان نورانی گروپ کے صدر قاری محمد زوار بہادر اور سربراہ حلقہ سیفیہ پاکستان صاحبزادہ پیر احمد یار سیفی، جمعیت علمائے پاکستان نیازی گروپ کے صدر پیر معصوم نقوی اور پاکستان مسلم لیگ کے سینئر رہنما اجمل وزیر، تاجر برادری اور سول سوسائیٹی کے نمائندوں نے علیحدہ علیحدہ ملاقات کی۔ اس موقع پر ڈاکٹر طاہرالقادری نے کہا کہ شہباز شریف، رانا ثناء اللہ سمیت تمام پولیس افسران اور سانحہ ماڈل ٹاون کے ذمہ داران 31 دسمبر تک عہدے چھوڑ دیں، ورنہ اگلے لائحہ عمل کا اعلان کریں گے۔

19 دسمبر 2017ء

شیخ الاسلام ڈاکٹر محمد طاہرالقادری کا ’’بیت الزہرا‘‘ کا دورہ

شیخ الاسلام ڈاکٹر محمد طاہرالقادری کا ’’بیت الزہرا‘‘ کا دورہ

شیخ الاسلام ڈاکٹر محمد طاہرالقادری نے منہاج ویلفیئر فاؤنڈیشن کے زیراہتمام چلنے والے مستحق اور ذہین طالبات کی رہائش کے عظیم الشان ادارہ ’’بیت الزہرا‘‘ کا خصوصی دورہ کیا اور یہاں طالبات کی فکری نشست سے خطاب کرتے ہوئے کہا کہ تحریک منہاج القرآن کا تعلیمی ویژن محض ڈگریاں جاری کرنا نہیں بلکہ تعلیم اور تربیت کے امتزاج سے اچھے شہری بنانا اور پر امن معاشرہ تشکیل دینا ہے جس میں بلا رنگ و نسل تمام طبقات کے حقوق محفوظ ہوں اور نوجوانوں کی ایسی نسل پروان چڑھانا ہے جو پاکستان کی ترقی اور خوشحالی کی ضمانت بنے اور وہ پاکستان کے اندر اور باہر کی دنیا میں اسلام اور وطن کے سفیر بن کر اپنی پیشہ ورانہ خدمات انجام دیں۔

18 دسمبر 2017ء

لاہور: تحریک منہاج القرآن کا ورکرز کنونشن

لاہور: تحریک منہاج القرآن کا ورکرز کنونشن

تحریک منہاج القرآن انٹرنیشنل کے صدر ڈاکٹر حسین محی الدین نے لاہور کنونشن سے خطاب کرتے ہوئے کہا کہ مظلوموں کو انصاف دلوانا ریاست، اداروں اور سوسائٹی کے ہر فرد پر لازم ہے۔ انصاف سے محروم معاشر ے مرحوم ہوتے ہیں۔ جوبظاہرتو زندہ نظر آتے ہیں مگر حقیقت میں مردہ ہوتے ہیں۔ کسی بھی نظام کا جسم انصاف کی روح سے زندگی پاتا ہے۔

17 دسمبر 2017ء

’’مظلوم ظلم کو قبول کر لے تو ظالم قوت پکڑتا ہے‘‘: ڈاکٹر طاہرالقادری کی شہدائے ماڈل ٹاون کے ورثاء سے ملاقات

’’مظلوم ظلم کو قبول کر لے تو ظالم قوت پکڑتا ہے‘‘: ڈاکٹر طاہرالقادری کی شہدائے ماڈل ٹاون کے ورثاء سے ملاقات

پاکستان عوامی تحریک کے سربراہ ڈاکٹر محمد طاہرالقادری نے مرکزی سیکرٹریٹ میں شہدائے ماڈل ٹاؤن کے ورثاء سے ملاقات کی۔ اس موقع پر انہوں نے کہا کہ جب مظلوم ظلم کو قبول کر لے، خوف، مصلحت اور لالچ کا شکار ہو جائے تو اس سے ظالم قوت پکڑتا ہے، شہدائے ماڈل ٹاؤن کے ورثاء نے وقت کے فرعونوں اور نمرودوں سے ٹکر لے کر ڈٹے رہنے کے حوالے سے جرآت و بہادری اور استقامت کی نئی تاریخ رقم کی۔ یہ قربانیاں ظالم نظام کے خلاف دی گئیں کبھی رائیگاں نہیں جائینگی۔ ان شاء اللہ تعالیٰ انہی پرعزم ورثاء سے مل کر سانحہ ماڈل ٹاؤن کے قاتلوں کو ان کے منطقی انجام تک پہنچائیں گے۔

16 دسمبر 2017ء

آغوش کمپلیکس میں سالانہ محفل میلاد النبی ﷺ

آغوش کمپلیکس میں سالانہ محفل میلاد النبی ﷺ

آغوش کمپلیکس کے زیراہتمام سالانہ محفل میلاد النبی ﷺ مؤرخہ 14 دسمبر 2017ء کو بغداد ٹاؤن لاہور میں منعقد ہوئی، جس میں نامور امریکی اسکالر Samuel E Shropshire نے بھی خصوصی شرکت کی۔ تقریب میں منہاج یونیورسٹی لاہور کے وائس چانسلر ڈاکٹر محمد اسلم غوری، رجسٹرار کرنل ریٹائرڈ محمد احمد، ٹریژر منہاج یونیورسٹی لاہور محمد جاوید اقبال قادری، ایچ آر مینجر منہاج یونیورسٹی لاہور طیب اسلم، منہاج ایجوکیشن سوسائٹی کے ایم ڈی راشد کلیامی، پرنسپل تحفیظ القرآن میاں محمد عباس نقشبندی اور ڈائریکٹر آغوش ڈاکٹر نعیم مشتاق نے بھی پروگرام میں شرکت کی۔

14 دسمبر 2017ء

آل پاکستان وکلاء کنونشن میں سانحہ ماڈل ٹاؤن کے انصاف کیلئے 5 نکاتی قرارداد منظور

آل پاکستان وکلاء کنونشن میں سانحہ ماڈل ٹاؤن کے انصاف کیلئے 5 نکاتی قرارداد منظور

آل پاکستان وکلاء کنونشن سے خطاب کرتے ہوئے ڈاکٹر محمد طاہرالقادری نے کہا کہ مظلوموں کی جنگ میں پیپلز پارٹی اور تحریک انصاف میرے دائیں بائیں بیٹھیں گی، جماعت اسلامی، مسلم لیگ، مجلس وحدت المسلمین اور دیگر جماعتیں بھی ہمراہ ہونگی۔ شہدائے ماڈل ٹاؤن کو انصاف دلوانے کیلئے وکلاء کے اظہار یکجہتی سے حوصلے پہلے سے کئی گنا بڑھ گئے۔ انہوں نے کہا کہ جسٹس باقر نجفی کمیشن کی رپورٹ کے ہر صفحہ پر قاتلوں کے نام درج ہیں۔ آل پاکستان وکلاء کنونشن میں شہدائے ماڈل ٹاؤن کے انصاف کیلئے پانچ نکاتی مطالبات پر مبنی قرارداد متفقہ طور پر منظور کی گئی۔

14 دسمبر 2017ء

منہاج کالج آف شریعہ اینڈ اسلامک سائنسز میں شہدائے APS پشاور کیلئے دعائیہ تقریب

منہاج کالج آف شریعہ اینڈ اسلامک سائنسز میں شہدائے APS پشاور کیلئے دعائیہ تقریب

منہاج کالج آف شریعہ اینڈ اسلامک سائنسز، منہاج یونیورسٹی لاہور میں سانحہ پشاور آرمی پبلک سکول میں شہید ہونے بچوں کی یاد میں دعائیہ تقریب منعقد ہوئی، جس میں پرنسپل کالج ملک خان محمد، ڈائریکٹر ایڈمنسٹریشن کرنل ریٹائرڈ محمد مہدی، وائس پرنسپل ڈاکٹر ممتاز الحسن باروی، ڈین فیکلٹی آف شریعہ پروفیسر ڈاکٹر رانا محمد اکرم، ڈائریکٹر انٹرفیتھ ریلیشنز سہیل احمد رضا اور کالج کے دیگر لیکچرر نے بھی تقریب میں شرکت کی۔ کالج کے طلبا و اساتذہ کرام نے شہدائے پشاور کو خراج تحسین پیش کیا اور ان کے درجات کی بلندی کے لیے دعا کی۔

16 دسمبر 2017ء

منہاج القرآن ویمن لیگ کے زیراہتمام ’’کڈز میلاد فیسٹول‘‘

منہاج القرآن ویمن لیگ کے زیراہتمام ’’کڈز میلاد فیسٹول‘‘

منہاج القرآن ویمن لیگ کے ذیلی پروجیکٹس ایگرز اور وائس کے زیراہتمام لیڈیز چلڈرن کمپلیکس لاہور میں 2 روزہ ’’کڈز میلاد فیسٹول‘‘ مؤرخہ 10 دسمبر 2017 کو منعقد ہوا، شیخ الاسلام ڈاکٹر محمد طاہرالقادری نے فیسٹیول کے آخری روز دورہ کیا اور مختلف سٹالز پر گئے، انکے ہمراہ خواتین رہنما فضہ حسین قادری، فرح ناز، عائشہ مبشر، افنان بابر، زینب ارشد، ایمن یوسف و دیگر شریک تھیں۔

10 دسمبر 2017ء

سربراہ عوامی تحریک سے چوہدری برادران اور راجہ ناصر عباس کی ملاقات، انصاف کیلئے شانہ بشانہ جدوجہد کا اعلان

سربراہ عوامی تحریک سے چوہدری برادران اور راجہ ناصر عباس کی ملاقات، انصاف کیلئے شانہ بشانہ جدوجہد کا اعلان

پاکستان مسلم لیگ کے مرکزی صدر چودھری شجاعت حسین، سینئر مرکزی رہنما چودھری پرویز الہیٰ اور مجلس وحدت المسلمین کے سیکرٹری جنرل علامہ راجہ ناصر عباس نے عوامی تحریک کے مرکزی سیکرٹریٹ میں ڈاکٹر طاہرالقادری سے ملاقات کی اور شہدائے ماڈل ٹاؤن کے انصاف کیلئے اپنی بھر پور حمایت کا اعادہ کرتے ہوئے مطالبہ کیا کہ جسٹس باقر نجفی کمشن کی رپورٹ آنے کے بعد شہباز شریف اور رانا ثناء اللہ فی الفور استعفیٰ دے کر خود کو قانون کے سامنے سرنڈر کریں۔ ڈاکٹر طاہرالقادری نے چوہدری برادران اور راجہ ناصر عباس کا شکریہ ادا کرتے ہوئے کہا کہ دونوں جماعتوں کے قائدین و کارکنان پہلے دن سے حصول انصاف کی جدوجہد میں شانہ بشانہ ہیں۔

10 دسمبر 2017ء

شیخ رشید کی سربراہ عوامی تحریک سے ملاقات، شہدائے ماڈل ٹاؤن کے انصاف کیلئے مکمل تعاون کی یقین دہانی

شیخ رشید کی سربراہ عوامی تحریک سے ملاقات، شہدائے ماڈل ٹاؤن کے انصاف کیلئے مکمل تعاون کی یقین دہانی

ڈاکٹر طاہرالقادری نے شیخ رشید کے ہمراہ پریس کانفرنس کرتے ہوئے کہا ہے کہ جسٹس باقر نجفی کمیشن کی رپورٹ کے ذریعے چھپا ہوا سچ سامنے آگیا۔ عوام کے دباؤ کے ذریعے قاتلوں کے گریبان پکڑیں گے۔ شیخ رشید نے ہمیشہ سانحہ ماڈل ٹاؤن کے ظلم کے خلاف آواز بلند کی، آج بطور خاص ان کی آمد پر ان کے شکر گزار ہیں۔ عوام کی پرامن طاقت سے قاتلوں، لٹیروں کو کک آؤٹ کریں گے۔ جسٹس باقر نجفی کمیشن کی رپورٹ نے شہباز شریف اور رانا ثناء اللہ کو قاتل ڈیکلیئر کر دیا یہی وجہ ہے کہ یہ ساڑھے تین سال اس رپورٹ کو دبا کر بیٹھے رہے۔

10 دسمبر 2017ء

ڈاکٹر طاہرالقادری کے تین مطالبات، تحریک انصاف کی بھرپور حمایت

ڈاکٹر طاہرالقادری کے تین مطالبات، تحریک انصاف کی بھرپور حمایت

پاکستان عوامی تحریک کے سربراہ ڈاکٹر محمد طاہرالقادری نے تحریک انصاف کے سینئر مرکزی رہنماؤں جہانگیر ترین اور شاہ محمود قریشی کی قیادت میں آنیوالے وفد کے ہمراہ پریس کانفرنس میں سانحہ ماڈل ٹاؤن کے انصاف کیلئے 3 مطالبات پیش کرتے ہوئے کہا کہ شہباز شریف اور رانا ثناء اللہ فوری استعفیٰ دیں، 2 سانحہ ماڈل ٹاؤن میں بالواسطہ، بلاواسطہ ملوث افسران کیس کے حتمی فیصلہ تک عہدے چھوڑ دیں، 3 سانحہ کی تحقیقات کیلئے پانامہ لیکس کی طرز پر با اختیار، غیر جانبدار جے آئی ٹی تشکیل دی جائے۔

09 دسمبر 2017ء

سربراہ عوامی تحریک سے پی ایس پی کے چیئرمین مصطفی کمال کی وفد کے ہمراہ ملاقات

سربراہ عوامی تحریک سے پی ایس پی کے چیئرمین مصطفی کمال کی وفد کے ہمراہ ملاقات

پاکستان عوامی تحریک کے سربراہ ڈاکٹر طاہرالقادری نے پاک سرزمین پارٹی کے چیئرمین مصطفی کمال کے ہمراہ عوامی تحریک کے مرکزی سیکرٹریٹ میں پریس کانفرنس سے خطاب کرتے ہوئے کہا کہ سانحہ ماڈل ٹاؤن کی تحقیقات کیلئے پاناما طرز کی غیر جانبدار جے آئی ٹی بنائی جائے۔ جسٹس باقر نجفی کمیشن کی رپورٹ کی روشنی میں ملزمان عہدے چھوڑ کر خود کو قانون کے حوالے کر دیں۔ اتنے کمزور نہیں ہیں کہ استعفیٰ مانگیں ہم استعفے کا حکم دے رہے ہیں بصورت دیگر قانونی، سیاسی اور فیصلہ کن عوامی جدوجہد کیلئے تیار ہیں۔ ماڈل ٹاؤن میں بیریئر نہیں مجھے راستے سے ہٹانے کیلئے آپریشن کیا گیا اور یہ سب حقائق جسٹس باقر نجفی کمیشن کی رپورٹ میں درج ہیں۔

09 دسمبر 2017ء

سابق صدر آصف علی زرداری کی ڈاکٹر طاہرالقادری سے ملاقات

سابق صدر آصف علی زرداری کی ڈاکٹر طاہرالقادری سے ملاقات

سربراہ پاکستان عوامی تحریک ڈاکٹر محمد طاہرالقادری اور پاکستان پیپلز پارٹی کے شریک چیئرمین آصف علی زرداری نے مشترکہ پریس کانفرنس سے خطاب کرتے ہوئے کہا کہ جسٹس باقر نجفی کمشن کی رپورٹ نے شہباز شریف کو سانحہ ماڈل ٹاؤن کا ذمہ دارٹھہرا دیا لہذا وہ فی الفور مستعفی ہو جائیں، دونوں رہنماؤں نے القدس کو اسرائیلی دارلحکومت بنائے جانے کے فیصلے کی شدید الفاظ میں مذمت کی اور کہا کہ اس فیصلے پر نظر ثانی کی جائے، اس فیصلہ سے مشرق وسطیٰ میں امن کوششوں کو شدید دھچکا لگا ہے، یہ فیصلہ اقوام متحدہ کی قراردادوں کے بھی بر عکس ہے۔

07 دسمبر 2017ء

سربراہ عوامی تحریک کی ہنگامی پریس کانفرنس: سانحہ ماڈل ٹاؤن کے مرکزی ملزمان شہباز شریف، رانا ثناء اللہ کو گرفتار کیا جائے

سربراہ عوامی تحریک کی ہنگامی پریس کانفرنس: سانحہ ماڈل ٹاؤن کے مرکزی ملزمان شہباز شریف، رانا ثناء اللہ کو گرفتار کیا جائے

پاکستان عوامی تحریک کے سربراہ ڈاکٹر محمد طاہرالقادری نے مرکزی سیکرٹریٹ میں ہنگامی پریس کانفرنس سے خطاب کرتے ہوئے مطالبہ کیا ہے کہ سانحہ ماڈل ٹاؤن کے مرکزی ملزمان شہباز شریف، رانا ثناء اللہ کو گرفتار کیا جائے۔ نوازشریف، شہباز شریف، رانا ثناء اللہ اور دیگر ملزمان جنہیں استغاثہ میں طلب نہیں کیا گیا انہیں طلب کیا جائے اور گرفتار کیا جائے، پھر ان کی ضمانتیں لینا یا نہ لینا عدالتوں کا کام ہے۔ انہوں نے کہا کہ منصوبہ نواز شریف، شہباز شریف نے بنایا، عمل رانا ثناء اللہ نے کروایا انتظامیہ معاون تھی۔

06 دسمبر 2017ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top